Ойуурга баһаары умуруорууга 1 529 киһи үлэлиир

Бүгүҥҥү иһитиннэриинэн ойуур уотун умуруорууга 1 529 киһи үлэлиир. Бу туһунан брифиҥҥэ СӨ Экологияҕа миниистири солбуйааччы Андрей Коноплев эттэ.

Уоту умуруорууга 37 тиэхиньикэ, авиация үлэлэһэллэр. Суукка устатыгар уопсайа 3 391,1 га иэннээх сири хаппыт 11 ойуур баһаара умуруоруллубут. Уон саҥа ойуур баһаара көстүбүт. Иэнэ 1 710,2 га.

Күн саҕаланыаҕыттан уопсайа 117 ойуур баһаара (уопсай иэнэ — 303 034,2 га) бэлиэтэнэр. Үксүлэрэ хонтуруолланар, уустук суоллаах-иистээх ыраах сирдэргэ бааллара ыйыллар.

Билигин 57 ойуур баһаарын умуруораллар (уопсай иэнэ — 245 493,2 га). Итинтэн 350,2 га иэннээх сиринэн 4 ойуур баһаара бохсуллубут.

СӨ Ил Дарханын уонна Бырабыыталыстыбатын пресс-сулууспата