Хаартыска: доруобуйа харыстабылын министиэристибэтэ.
«Якутия – Земля героев» бырагыраама кыттыылааҕа Октябрина Афанасьева доруобуйа харыстабылын министиэристибэтигэр стажировкатын саҕалаата.
Октябрина Афанасьева идэтэ уонна көхтөөх олоҕун позицията салайар дьоҕуру сайыннарыыга, судаарыстыбаннай сулууспа систиэмэтигэр саҥа каадырдары киллэрэргэ туһуламмыт бырагыраамаҕа кыттыытыгар олук буолбутун бэлиэтээтилэр. Кини ситиһиилэригэр анал байыаннай дьайыыга кыттыы уонна судаарыстыбаннай бириэмийэ – «Гражданскай килбиэн» бэлиэ киирэллэр.
Октябрина Афанасьева К.Марсден аатынан кырдьаҕастары уонна инбэлииттэри хааччыйар Бүлүүтээҕи анал дьиэҕэ дириэктэри уопсай боппуруостарга солбуйааччы дуоһунаһыгар үлэлиир.
Стажировка чэрчитинэн, доруобуйа харыстабылын министиэристибэтин салааларын үлэтин билсиэҕэ, оробуочай мунньахтарга сылдьыаҕа уонна мэдиссиинэ тэрилтэлэрин бэрэстэбиитэллэрин кытта көрсүһүүлэри ыытыаҕа. Ону таһынан, министиэристибэ үлэтин сүрүн хайысхаларын, дьайыыларын, боломуочуйаларын уонна ис бэрээдэгин кытта сиһилии билсиэхтээх.
Доруобуйа харыстабылын миниистирэ Лена Афанасьева маннык бырагыраама киһи кыаҕын сайыннарыыга суолталааҕын тоһоҕолоото.
«Якутия — Земля героев» бырагыраама идэҕэ уонна тус бэйэ үүнүүтүгэр саҥа кыахтары арыйар. Октябрина Семёновнаны биһиги хамаандабытыгар көрөрбүтүттэн үөрэбит. Стажировка министиэристибэ үлэтин ис өттүттэн билэр эрэ буолбакка, доруобуйа харыстабылын сайдыытыгар саҥа эйгэни кэҥэтэр, уопут ылар кыах биэрэр систиэмэ», — диэн бэлиэтээтэ Лена Афанасьева.
«Якутия — Земля героев» бырагыраама Ил Дархан Айсен Николаев көҕүлээһининэн олоххо киирбитэ уонна Арассыыйа бэрэсидьиэнэ Владимир Путин көҕүлээһининэн ыытыллыбыт «Дьоруойдар кэмнэрэ» федеральнай каадыр бырайыагын эрэгийиэннээҕи салгыыта буолар. Бырайыакка үрдүк эппиэтинэһи, салайар дьоҕуру уонна уопсастыбаҕа сулууспалыыр баҕаны көрдөрбүт, анал байыаннай эпэрээссийэ көхтөөх кыттааччылара киирэллэр.
Бырагыраама от ыйын 16 күнүттэн сирэй көрсөн үөрэтии түһүмэҕинэн саҕаланна. Уһук Илин араас эрэгийиэннэриттэн киирбит 580-тан тахса сайабылыанньаттан эспиэр хамыыһыйата 25 бастыҥ хандьыдааты талан ылла. Кыттааччылар өрөспүүбүлүкэ бырабыыталыстыбатын уорганнарыгар уонна сүрүннүүр тэрилтэлэригэр стажировка уонна практика күүстээх кууруһун ааһыахтара.
Сиһилии: https://www.sakha.gov.ru/news/8667
Сыл саҕаланыаҕыттан «Аҕа дойдуну көмүскээччилэр» судаарыстыбаннай пуонда Саха сиринээҕи салаатын көмөтүнэн, байыаннай дьайыылар бэтэрээннэрэ, өлбүт…
Арассыыйа Социальнай пуондатын Саха сиринээҕи салаата атырдьах ыйын 1 күнүттэн 96 тыһыынча үлэлиир биэнсийэлээххэ страховой…
От ыйын 20 күнүгэр Чурапчы улууһун Мындаҕаайы сэлиэнньэтигэр Амма өрүскэ тимирбит киһи өлүгэ бүгүн көһүннэ.…
Муома улууһугар Победа хайаҕа Күрэтэр диэн муус булууска сылдьан, икки дьахтар хайаттан суулунна диэн СӨ…
Аллайыахаҕа овцебыктар үөскээн-тэнийэн эрэллэр. Хороҕор муостаахха, сыспай сиэллээххэ самаан сайын үчүгэйин курдук, овцебыктарга эмиэ бэртээхэй…
Тимир көлөнү аһыы утаҕы иһэн баран ыытыллыбатын бары бэркэ өйдүүбүт эрээри.... Мииринэй оройуонугар Мииринэй --…