Биллибэт саллаат кэриэһигэр
Хатыҥ мас тулалаах алааһым,
Быраһаай, мин баран эрэбин,
Ол уоттаах сэрииттэн ордоммун
Кэлиэм дуо төрөөбүт алааспар?
Түүйбүтэ буолуо дуо буойуммут
Иннигэр туох күүтэн турарын?
Атын сир буоругар хааларын
Сураҕа суох сүттэ дииллэрин?
Быраһаай, ийэккээм, быраһаай,
Харааста, санааргыы хаалыма.
Хайаан да эргиллэн кэлиэҕим
Эн эрэ этэҥҥэ олороор.
Ийэтин санаатын көтөҕөн
Ис-кута айманан ыларын
Таһыгар таһаарбат, биллэрбэт,
Ийэтин уоскутан мичээрдиир.
Ол курдук хаалбыта мөссүөнэ
Атаара кэлбит дьон хараҕар,
Эйэҕэс элэккэй мичээрэ,
Эдэркээн эрчимнээх бэйэтэ.
Дьылҕа хаан ыйааҕа кытаанах
Дьиэтигэр буойуммут төннүбэт,
Сураҕа суох сүппүт аатырда
Бу сиртэн сурахтыын мэлийдэ.
Умнумаҥ, дойдубут дьонноро
Сэриигэ барбыттар ааттарын,
Өлбөт-сүппэт үйэлээх полкаҕа
Киллэрэн күөрэччи көтөҕүн!
Арассыыйа олохтоохторо 2026 сылга мунньуллар биэнсийэлэриттэн 440 тыһыынча солкуобайы биир кэмнээхтик ылыахтарын сөп диэн РИА…
Дьокуускайга өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин пленарнай мунньаҕын улуустартан уонна нэһилиэктэртэн кэлбит…
Киин куоракка икки күн устата өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ үгүс дьокутааты…
Ил Дархан туһаайан этиитигэр дьоҕус урбааны өйүүр боппуруоска болҕомтотун ууруо диэн, норуот дьокутаата, Ил Түмэн…
“Илии сылааһа” сыах (сал. Саввина И.Е.) филиала Куокуйдааҕы “Надежда” холбоһук (сал. Еремеева Т.У.) бу сылга…
Дьокуускайдааҕы полиция 1-кы №-дээх отделын дьуһуурунай чааһыгар олохтоох дьахтар кини аатыгар сокуоннайа суохтук 145 тыһ.солк.…