Мария Васильева, СИА
“Ийэлэри долгуйууттан, айманыыттан уоскутууну болҕомтоҕо тутан, кинилэр уйулҕаларын туруга бөҕөх буоларыгар көмөлөһүү суолталаах», — диэн кэпсиир СӨ Дьиэ кэргэҥҥэ уонна ыччакка социальнай психологическай өйөбүлү оҥорор киинин Дьааҥы улууһугар филиалын үлэһитэ, социальнай педагог Октябрина Семеновна Винокурова.
— Анал байыаннай эпэрээссийэҕэ кытта барбыт дьоммут дьиэ кэргэттэрин, ийэлэри кытта кэпсэтэн, туһааннаах сүбэлэри биэрэрим таһынан, маннааҕы училищебыт устудьуоннарын, учууталларын көмөлөһүннэрэммин, волонтер курдук, сорох ыалларга көмөлөһөбүт. Билигин олус тымныйан турар буолан, оҕолор волонтердуу иликтэр.
Ийэ сүрэҕэ син биир долгуйар, айманар аналлаах. Саллааттарбыт ийэлэрэ сүбэ, өйөбүл ылаары миэхэ кэлэ сылдьаллар уонна ватсапка тахсан, кэпсэтэллэр, сибээстэһэ олороллор. Биир ийэ тохсунньу 3 күнүттэн 19 күнүгэр диэри оҕото сибээскэ суох буолан айманар этэ. Ол иһин кини уолун кытта ити сиргэ сылдьар аттыгар баар уол ийэтин кытта сибээстээбитим. Хата, уола сарсыныгар сибээстэһэн, кэпсэппит этэ. Ити икки уол ийэлэрин төлөпүөнүнэн сибээстээн билиһиннэрэммин, кэпсэтиннэрэн, дьэ арыый нус-хас соҕус буоллулар. Чэпчээбит курдук буоллубут диэбиттэрэ. Уолаттар бииргэ тутуһан сылдьаллар.
Бэйэм социальнай педагогпун, психолог суох да буоллар, араас суоллары тобулан, син итинник уоскутабын. Сороҕор ону-маны наар санаабатыннар диэн кыратык аралдьытаары, бэл, ребус курдук ыытан, эмиэ уоскутабын, өйдөрүн-санааларын сынньата түһэбин. Ол иһин ийэлэр махталлара муҥура суох. Кинилэр билигин оҕолорун кытта Телеграм-ханаалынан кэпсэтэллэр эбит. Ол эрэн хас да уол аны 3-4 нэдиэлэнэн биирдэ сибээскэ тахсыахпыт, биһигини сүтүктээйэҕит, инники кирбиигэ баарбыт, дрон бөҕө көтө сылдьар, сэрэхтээх, ол иһин сибээскэ суохпут диэбиттэр.
СӨ Дьиэ кэргэҥҥэ уонна ыччакка социальнай психологическай өйөбүлү оҥорор киинин үлэһиттэрэ Дьааҥы улууһугар кэлэн үлэлээн барбыттарын инники кэпсээн турабын. Кинилэр өрөспүүбүлүкэ үрдүнэн маннык быһыыга-майгыга олорор ийэлэргэ, дьиэ кэргэттэргэ уйулҕа туруга чөл буолуутугар араас көмөлөрү оҥоро сылдьаллар. Уолаттарбыт, эр дьоммут этэҥҥэ эрэ эргиллэн кэллиннэр!
Саха тыйаатыра саҥа сезонугар эдэр ыччакка чэпчэтиини олохтоото. Ол курдук устудьуоннар 25% чэпчэтиинэн туһанар буолуохтара.…
Социальнай пуонда Саха сиринээҕи салаата быйыл 2843 киһи сонотуоруйга-куруорка барарыгар айаннарын ороскуотун төлөөтө. 2025…
Өрөспүүбүлүкэҕэ ааспыт нэдиэлэ түмүгүнэн, Саха сиригэр 8,8 тыһыынча киһи тымныйбыта, тумуулаабыта (ОРВИ) бэлиэтэммит. Бу ол…
Билигин кирэдьииттэрин кэмигэр төлөөбөт, ону ааһан биир да харчыны төлөөбөт дьон бааллар. Суут бириистэптэрин Амма…
"Защитники Отечества" пуонда учуотугар өрөспүүбүлүкэ үрдүнэн 198 (байыаннай дьайыы кыттыылааҕа) инбэлиит турар. Сүрүн болҕомто тиэхиньиичэскэй…
Бэҕэһээ “Путь воина” байыаннай-тактическай күрэхтэһиилэр аһыллыылара буолбута. Бүгүн сарсыардаттан икки хамаанда – Саха сириттэн «Боотур»…