“Дьоммутугар уйулҕа туруга нус-хас, бөҕөх буоларыгар көмөлөһүү суолталаах», — диэн кэпсиир СӨ Дьиэ кэргэҥҥэ уонна ыччакка социальнай психологическай өйөбүлү оҥорор киинин Дьааҥытааҕы филиалын үлэһитэ, социальнай педагог Октябрина Винокурова.
— Анал байыаннай эпэрээссийэҕэ кытта барбыт дьоммут дьиэ кэргэттэригэр психологическай көмөнү оҥорууга үлэ алтынньыттан саҕаламмыта. СӨ Дьиэ кэргэҥҥэ уонна ыччакка социальнай психологическай өйөбүлү оҥорор киинин улуустааҕы филиалыгар соҕотоҕун үлэлии сылдьабын. Дьиэ кэргэттэри, биирдиилээн дьону кытта кэпсэтэн, туһааннаах сүбэлэри биэрэрим таһынан, маннааҕы училищебыт устудьуоннарын, учууталларын көмөлөһүннэрэммин, волонтер курдук, сорох ыалларга көмөлөспүппүт. Ол курдук, ыччаттар уокка оттор мастара, аҕалара байыаннай сулууспаҕа баран хаалан, хайытыллыбакка хаалбыт ыалга мас хайытан, сааһылаан, бытыылкалаах ыраас иһэр ууларын аҕалан биэрэн, оҕо саадыттан оҕолору дьиэлэригэр аҕалан биэрбиттэрэ. Анал байыаннай эпэрээссийэҕэ кытта барбыт бары дьоммут дьиэ кэргэттэриттэн бу күһүҥҥүттэн уопсайа 110 дьону кытта атах тэпсэн олорон кэпсэтэн, араас өрүттээх сүбэлэри биэрии ыытылынна.
Дьокуускайтан Дьааҥы улууһугар ахсынньы 5 күнүттэн СӨ Ыччакка социальнай психологическай өйөбүлү оҥорор киинин үс исписэлииһэ кэлэн үлэлии сылдьар. Ол курдук, бу Киин көһө сылдьар мобильнай сулууспатыгар уйулҕа туругун чөлгө түһэриигэ салаатын сэбиэдиссэйэ, педагог-психолог Алена Андреева, бу салаа көһө сылдьар кириисиснэй сулууспатын педагог-психолога Алена Алексеева, СӨ саҥарбат оҕолору үөрэтиигэ анал коррекционнай интэринээт-оскуолатын психолога Ирина Яроева байыаннай эпэрээссийэҕэ сулууспаҕа барбыт дьоммут дьиэ кэргэттэригэр, аймахтарыгар Баатаҕайга үс күн, биир күн Бөтөҥкөс нэһилиэгэр үлэлээн, элбэх дьоҥҥо көмөлөстүлэр, онтон нэдиэлэ бүтүөр диэри Элгэс уонна Хайыһардаах нэһилиэктэригэр үлэлии барыахтаахтар.
Маны таһынан кинилэр бачча кэлбиччэ атын да төрөппүттэргэ эмиэ көмөлөһөллөр. Тылларыгар кэһиллиилээх инбэлиит оҕолордоохтор кэлэн көрдөрөн, сүбэ-ама, ыйыы-кэрдии ылан махтаналлар. Психолог үлэтигэр улахан туһалаах икки сэминээри оҥордулар. Манан сибээстээн кинилэргэ бачча көмө бөҕөтүн оҥоро сылдьалларыгар, биһиги, дьааҥылар, махталбыт улахан, — диэн Октябрина Винокурова кэпсээтэ.
Саха Өрөспүүбүлүкэтин Бырабыыталыстыбатын Бэрэссэдээтэлин бастакы солбуйааччы Дмитрий Садовников дойду Бэрэсидьиэнэ Владимир Путин көҕүлээбит “Олох инфраструктурата”…
Бу күннэргэ Арассыыйа Наукаларын академиятын Сибиирдээҕи салаатын Гуманитарнай чинчийиилэр уонна хотугу норуоттар кыһалҕаларын института тэриллибитэ…
“Уһук Илиҥҥи тиэргэннэри тупсаҕай оҥоруу” федеральнай бырайыагынан Саха сиригэр 17 тиэргэни тупсарыахтара. Ол курдук, бу…
Саха сиринээҕи Саахал мэдиссиинэтин киинин үлэһиттэрэ «Путь воина» күрэхтэһиигэ көмөнү оҥорорго бэлэмнэр. Саахал мэдиссиинэтин киинин…
Арассыыйаҕа 2026 сылтан биэнсийэни индексациялааһын икки түһүмэҕинэн барар буолуоҕа. Бу туһунан Социальнай пуонда бэрэссэдээтэлэ Сергей…
Бэҕэһээ «Путь воина» күрэхтэһии бастакы түһүмэҕэр Саха сирин «Боотур» хамаандата уонна Хабаровскай «Амурские воины» хамаанданы…