Олег Дашков дуобакка Ил Дархан Куубагын кыайыылааҕынан буолла

Дьокуускайга дуобакка Бүтүн Арассыыйатааҕы Ил Дархан Куубага түмүктэннэ. Турнир финалыгар Арассыыйа 32 инники күөҥҥэ сылдьар дуобатчыта кытынна. Бу туһунан СӨ Физическэй култуураҕа уонна маассабай успуорка управлениетын пресс-сулууспата иһитиннэрэр.

Финалга Самарскай уобаластан Олег Дашков уонна Санкт-Петербургтан Роман Шукин таҕыстылар. Дьаныардаах киирсиигэ уопуттаах дуобатчыт Олег Дашков кыайда. Оттон боруонса мэтээли Куубак былырыыҥҥы кыайыылааҕа Сергей Белошеев ылла.

Кыайыылаахтары СӨ Бырабыыталыстыбатын бэрэссэдээтэлин солбуйааччы Сергей Местников уонна Дуобат федерациятын вице-бэрэсидьиэнэ, НХЗ Групп генеральнай дириэктэрэ Вячеслав Нестеров эҕэрдэлээтилэр.