СИА хаартыската
Саха сирин олохтоохторо байыаннай дьайыы саҕаланыаҕыттан көмөлөһөн, кыайыыны уһансаллар. Бастаан утаа ким туох-хайдах кыахтааҕынан көмө ыыта сатыыр буоллаҕына, аны билигин хас биирдии улууска пуондалар, тэрилтэлэр, волонтердар хамсааһыннара тэриллэн, көмөнү оҥоруу тиһиктээхтик барар.
«Биһиги улууспутуттан байыаннай дьайыыга кытта сылдьар уолаттарбытын көрсө, көмө илдьэ түөртэ бара сырыттыбыт», — диэн Хаҥалас улууһун баһылыга Олег Иринеев байыаннай дьайыы кыттыылаахтарыгар туох көмө оҥоһулларын кэпсиир.
— Байыаннай дьайыыга көмөнү оҥоруу тиһиктээхтик барар. Бу күннэргэ дьаһалтабыт исписэлииһэ байыаннай дьайыы буола турар сиригэр тиийэн, уолаттары көрсөн, эт-балык, атын даҕаны көмөнү тириэртэ. Улууспутугар «Байыаннай дьайыы сулууспалаахтарын өйөөһүн» пуондатын тэрийэн үлэ күүскэ барар. Пуонда нөҥүө үбүлээһиммит 20-тэн тахса мөлүйүөн солк. буолла. Бу иннинэ, ахсынньы бүтүүтэ, Саҥа дьыл чугаһыгар, солбуйааччым Юрий Никифоров 2 туоннаттан тахса гуманитарнай көмөнү, аадырыстаах баһыылкалары илдьибитэ. Быйыл кулун тутар ыйга мин бэйэм барар былааннаахпын. Былырыын эмиэ улууспутуттан байыаннай дьайыыга кытта сылдьар уолаттарбытын көрсөн, ас-үөл илдьэн кэлбитим.
Улууспут олохтоохторо эмиэ блиндаж чүмэчилэрин, маскировочнай ситимнэри, саллаат кэтэр таҥаһын, туттарыгар малын бэлэмнээн ыыталлар. Байыаннай дьайыы кыттыылааҕар, мобилизациянан, бэйэлэрэ баҕа өттүлэринэн барбыттарга өйөбүл дьаһалынан барытын оҥорон олоробут. Кинилэр дьиэ кэргэттэрин сайаапкаларынан туох тиийбэтин-түгэммэтин көрөн оҥоробут, араас субуотунньуктары, аахсыйалары ыытаммыт хас биирдии нэһилиэккэ олохтоохтор күүс-көмө буолаллар. Онон улууһум олохтоохторо хас биирдиилэрэ Кыайыыны уһансаллар, бар дьоммунан ис сүрэхпиттэн киэн туттабын!
Аныгы үйэ буолан, кэлиҥҥи кэмҥэ социальнай ситимнэри аны блогер оҕолор “ылан” кэбистилэр. Ол эрэ буолуо…
Бүгүн, балаҕан ыйын 8 күнүгэр, Саха сиригэр 8 чаастан Арассыыйа Өрөгөйүн ырыатынан куоластааһын ыытыллар 176…
Төрөөбүт күҥҥүнэн, Дьокуускай! Дьокуускай -- биһиги өрөспүүбүлүкэбит тэбэр сүрэҕэ, манна устуоруйа уонна аныгы кэм, үгэстэр…
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…