Салгыы
Олег Кононенко космоска Дьокуускай туһунан хоһоону аахта

Олег Кононенко космоска Дьокуускай туһунан хоһоону аахта

13.04.2024, 11:29
Хаартыска: Е.Григорьев.
Бөлөххө киир:

Космонавтика күнүгэр рекордсмен-космонавт Олег Кононенко орбитаҕа сылдьан, Дьокуускай туһунан хоһоону ааҕан иһитиннэрдэ. 

Космонавт Дьокуускай туһунан кыракый кинигэни космоска бэһис көтүүтүгэр илдьэ тахсыбыт эбит. Хоһоону суруйааччы Христофор Горохов-Элгэстэй суруйбут. Космонавт аахпыт хоһоонун Владимир Жирков нууччалыы тылбаастаабыт, мелодист Алексей Калининскай-Луҥха матыып суруйан, ырыа гынан көтүппүт.

«Бу ырыа 2016 сыллаахха Дьокуускай куорат официальнай гимнэ буолбута», — диэн куорат аҕа баһылыга Евгений Григорьев ТГ-ханаалыгар суруйар уонна космонавка махтанар.

Санатар буоллахха, Олег Кононенко Саха сиригэр иккитэ кэлэ сылдьыбыта. Космоска хомуска оонньоон иһитиннэрбитэ уонна Өксөкүлээх Өлөксөй хоһоонун аахпыта. Онон кини Саха сирин олус күндүтүк саныыр, сылаастык ахтар, саха култууратын үрдүктүк сыаналыыр. Баҕар, кини Туркменияҕа төрөөбүт, ханан эрэ түүр хааннаах буолан, саха култууратын олус интэриэһиргиирэ, сахаларга тардыһара буолуо…

ЫСПЫРААПКА

Олег Кононенко 1964 сыллаахха бэс ыйын 21 күнүгэр Туркменскай ССР Чарджоу куоратыгар төрөөбүтэ. 1981 сыллаахха Хабаровскайдааҕы авиационнай институкка үөрэнэ киирбитэ, инженер-механик идэлээх бүтэрбитэ. 

1996 сыллаахха кинини космонавт идэтигэр хандьыдаатынан ылбыттара. 1998 сыллаахха тургутууну этэҥҥэ ааһан, «космонавт-испытатель» идэтин ылбыта. Космоска аан бастаан 2008 сыллаахха көппүтэ.

Түөртэ көппүтүн тухары 737 суукка устата космическай ыстаансыйаҕа сылдьыбыта, бу МКС-ка сылдьыбыт космонавтарга рекорд буолар. Билигин бэһис төгүлүн ыстаансыйаҕа үлэлии сылдьар. Маны тэҥэ, кини аһаҕас космоска биэс төгүл тахсыбыта, уопсай бириэмэтэ — 32 чаас 13 мүнүүтэ.

2009 сыллаахха киниэхэ Арассыыйа Дьоруойа ааты иҥэрбиттэрэ.  NASA түөрт наҕараадатынан, «За заслуги перед Отечеством» IV уонна II истиэпэннэринэн наҕараадаламмыта. 

Видео: Евгений Григорьев ТГ-ханаалыттан.

+1
7
+1
0
+1
0
+1
0
+1
1
+1
1
+1
0
Бары сонуннар
Салгыы
22 мая
  • 17°C
  • Ощущается: 15°Влажность: 23% Скорость ветра: 5 м/с

Сообщить об опечатке

Текст, который будет отправлен нашим редакторам: