Олег Марков СӨ Суруналыыстарын сойууһун бэрэссэдээтэлинэн талылынна

Бүгүн, муус устар 7 күнүгэр, Дьокуускайга өрөспүүбүлүкэтээҕи медиа-кииҥҥэ  РФ Суруналыыстарын сойууһун Саха сирин эрэгийиэннээҕи салаатын XXIV кэмпириэнсийэтэ ыытылынна.

Манна СӨ Суруналыыстарын сойууһун саҥа бэрэссэдээтэлин таллылар. Кэмпириэнсийэ дэлэгээттэрэ «Саха» НКИХ генеральнай дириэктэрин Олег Олегович Марковы сойуус бэрэссэдээтэлинэн таллылар. Кини туһугар 49 дэлэгээт куоластаата, биир дэлэгээт куоластыыртан туттунна.

«Эппиэтинэстээх дуоһунаһы миэхэ эрэммиккитигэр махтанабын. Галина Алексеевна сойуус туһугар улахан үлэни ыыппытыгар махтанабын», — диэн Олег Марков эттэ.

Санатан суруйдахха, Саха сирин Суруналыыстарын сойууһун 15 сыл устата Галина Алексеевна Бочкарева салайбыта.