СӨ Ил Дархана Айсен Николаев Ил Түмэҥҥэ туһаайан этиитин чэрчитинэн хотугу сирдэри көхтөөхтүк сайыннарыыга туһуламмыт суолталаах көҕүлээһиннэри билиһиннэрдэ.
Өрөспүүбүлүкэ Бырабыыталыстыбатын Бэрэссэдээтэлин солбуйааччы Ольга Балабкина этэринэн, сүрүн хайысхалартан инфраструктура бырайыактара, нэһилиэнньэ олоҕун усулуобуйатын тупсарыы уонна Арктика олохтоохторун иннигэр үп-харчы эбэһээтилистибэлэрин көмүскээһин ордук чорботон бэлиэтэнэллэр.
«Айсен Николаев Арктикаҕа ураты болҕомтотун уурда. Бастатан туран, Ил Дархан бырайыагы – Арктикатааҕы Булуҥ улууһугар Тикси-Найба агломерациятын маастар-былаанын, ол иһигэр «Мохэ-Найба» норуоттар икки ардыларынааҕы тырааныспар «коридорун» бэлиэтээтэ. Саҥа сүрүн суол эрэгийиэн экэнэмиичэскэй үүнүүтүн төрүөтэ буолан, стратегическай суол устун баар нэһилиэнньэлээх пууннарга сүдү сайдыыны биэриэхтээх. Иккиһинэн, Ил Дархан Бырабыыталыстыбаны хоту дойду олохтоохторун төрүт ирдэбиллэрин үбүлээһинин бигэ таһымын хааччыйарга эбээһинэстээтэ», – диэтэ СӨ Бырабыыталыстыбатын Бэрэссэдээтэлин солбуйааччы Ольга Балабкина.
Өрөспүүбүлүкэ Ил Дархана Айсен Николаев Бырабыыталыстыбаҕа Арктика олохтоохторун төрүт ирдэбиллэригэр анаан бүддьүөт ороскуотун намтаабат таһымын быһаарарга уонна ону эрэгийиэн бүддьүөтүн көмүскэллээх ыстатыйаларын испииһэгэр тэҥнииргэ сорудахтаата.
«Маны таһынан, Ил Дархан Арктикаҕа олох-дьаһах хомунаалынай хаһаайыстыбатын сайдыытын чуолкайдык быһаарда. Онно «СӨ ОДьКХ» судаарыстыбаннай унитарнай тэрилтэ үлэлиэҕэ уонна хоту дойду олохтоохторугар хомунаалынай өҥө хаачыстыбатын тупсарар иһин судаарыстыбаттан үп-харчы өйөбүлүн ылыаҕа», – диэн бэрэссэдээтэл солбуйааччыта Ольга Балабкина эбэн эттэ. Ону таһынан Айсен Николаев Арктика сайдыытын хамсатар күүстэринэн Найбаҕа саҥа байҕал пуордун тутуутун, пуорду саҥардыыны, Тиксиигэ саҥа аэровокзалы, Күчүс кластерын энергетикаҕа уонна суолга сыһыаннаах инфраструктуратын, уопсастыбаннай куйаардары тутууну, социальнай эбийиэктэри уонна хомунаалынай инфраструктураны саҥардыыны, 7 тыһыынча км оптоволокнону тутан, «Арктика синергията» диэн саамай бөдөҥ телекоммуникационнай бырайыак саҕаланыытын, Арктика улуустарыгар эргиэн-логистика кииннэрин ситимин тэрийиини ааттаата.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…