Бүгүҥҥү брифиҥҥэ СӨ Бырабыыталыстыбатын бэрэссэдээтэлин солбуйааччы Ольга Балабкина байыаннай сулууспалаахтар дьиэ кэргэттэрин кытта үлэ туһунан билиһиннэрдэ.
— Бүгүҥҥү күҥҥэ биһиги 3 тыһыынча кэриҥэ байыаннай эпэрээссийэ кыттыылаахтарын чугас дьоннорун кытта ыкса сибээстээхтик үлэлиибит. Суһаллык төлөбүр, үөрэх министиэристибэтин кытта өйөбүл боппуруостарын, гуманитарнай көмө оҥоһуллуутун быһаарабыт. Маны таһынан, кирэдьииттээх тэрилтэлэрин кытта моблизациялаахтарга каникул көрөрү уонна приставтар сулууспаларын кытта араас дьыаланы тохтотуу боппуруостарыгар үлэлэһэбит, – диэн эттэ Ольга Балабкина.
Вице-премьер сүрүн ыарахаттар бэйэлэрин баҕаларынан барбыт саллааттар этэрээттэригэр докумуоннарын оҥоһуутугар баалларын, бүгүҥҥү күҥҥэ ити боппуруос эмиэ быһаарыллыбытын бэлиэтээтэ.
Саха сириттэн Москва уонна Санкт-Петербург байыаннай госпиталларыгар сытар дьоҥҥо көмө оҥоһуллар. Аны Ростов госпиталын кытта сибээс олохтонор.
«Араас өйөбүлү оҥорууга тахсар дьаһаллары уонна Федеральнай сокуоннарга уларыйыылары кэтээн көрүүгэ эмиэ туспа үлэ барар. Бүгүҥҥү күҥҥэ мобилизацияҕа түбэспит дьиэ кэргэттэргэ өйөбүлү оҥорууга кэккэ федеральнай сокуон ылылынна. Ол курдук, анал байыаннай эпэрээссийэҕэ кытта сылдьар дьоҥҥо оҥоһуллар өйөбүл төлөбүргэ НДФЛ ааҕыллыбат. Хас биирдии улууска баһылыктары социальнай боппуруостарга солбуйааччылар салайыыларынан мобилизацияҕа түбэспит байыаннайдар чугас аймахтарыттан киирбит ыйытыыларга, этиилэргэ суукка иһигэр суһал быһаарыыны ылынар бөлөхтөр тэрилиннилэр. Бу маннык соругу Ил Дархан Айсен Николаев туруорда », – диэн быһаарда Ольга Балабкина.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…