Ольга Балабкина: «Бэрэсидьиэн Арассыыйа көмүскээччилэрин патриотизмнарын уонна бойобуой тыыннарын бэлиэтээтэ»

СӨ Бырабыыталыстыбатын бэрэссэдээтэлин солбуйааччы Ольга Балабкина, РФ Бэрэсидьиэнин Владимир Путин улахан пресс-кэмпириэнсийэтин түмүктэрин сырдатан, судаарыстыба баһылыга байыаннай дьайыы ыытыллар зонатыгар кыргыһар буойуннар үрдүк таһымнаах патриотизмнарын, ону таһынан хантараагынан сулууспаҕа дьону талар сөпкө туруоруллубут систиэмэни бэлиэтээбитин эттэ.

«РФ Бэрэсидьиэнэ Владимир Путин Сэбилэниилээх Күүстэри хааччыйыы үчүгэй тэтиминэн уонна былаан быһыытынан барарын, биһиги дойдубутугар бэйэлэрин баҕаларынан кэлэн Сэбилэниилээх Күүстэргэ сулууспалыырга хантараак түһэрсэр уонна Ийэ дойду, дьон интэриэстэрин көмүскүү барар элбэх баҕалаах, биһиги дьиҥнээх эр дьоммут баалларын тоһоҕолоон бэлиэтээтэ», — диэн Ольга Балабкина сырдатта. Ону утаһынан, Владимир Путин байыаннай дьайыыга саҥа, наадалаах идэҕэ — пилота суох көтөр аппараттар (БПЛА) оператордарыгар туһунан тохтоото.