Ольга Балабкина: «Биһиги Арассыыйа Бэрэсидьиэнэ Владимир Путин ыччаты патриотическай иитиигэ бэлиитикэтин өйдүүбүт»

Бүгүн Бүтүн Арассыыйатааҕы байыаннай-тактическай «Путь воина» күрэхтэһии саҕаланна.

СӨ Бырабыыталыстыбатын Бэрэссэдээтэлин солуйааччы Ольга Балабкина «Путь воина» байыаннай-тактическай күрэхтэһии аан бастаан Саха сириттэн саҕаламмытын уонна инникитин өссө даҕаны сайдан, кэҥээн иһиэҕин эттэ:

— РФ Бэрэсидьиэнин Уһук Илиҥҥэ боломуочуйалаах бэрэстэбиитэлэ – РФ Бырабыыталыстыбатын бэрэссэдээтэлин солбуйааччы Юрий Трутнев быһаарыытынан Бүтүн Арассыыйатааҕы байыаннай-тактическай «Путь воина» күрэхтэһии финала Саха сиригэр ыытыллар. «Путь воина» байыаннай-тактическай күрэхтэһии аан бастаан биһигиттэн саҕаланна уонна кэлэр өттүгэр өссө даҕаны кэҥиэ. Бу биир ураты оонньуунан буолар, тоҕо диэтэххэ, бастатан, эт-хаан өттүнэн, иккиһинэн байыаннай бэлэмнэнии буолар. Финалга бастакы түһүмэхтэри ааһан түөрт хамаанда тахсыбыта. Бүгүн бу оонньуу финалын ыытарга олохтоох былаас, эрэгийиэннээҕи былаас уорганнара уонна федеральнай былаас уорганнары кытары тэрийэллэр. Онуоха “Энергетик” оҕо лааҕыра тэрээһини ыытар бааза быһыытынан оҥоһулунна. Сарсыҥҥыттан оҕолор үөһээ мыраан хонуутугар күрэхтэһиилэрин саҕалыахтара. Күрэхтэһэ кэлбит оҕолор биһиги айылҕабытын көрөллөрүн таһынан, култуурабытын кытары билсиэхтэрэ. Биһиги «ВОИН» киин аппараатыгар күрэхтэһиини тэрийсибиттэрин иһин махтанабыт. Бастакы түһүмэҕи аастыбыт. Биһиги Арассыыйа Бэрэсидьиэнэ Владимир Путин ыччаты патриотическай иитиигэ бэлиитикэтин өйдүүбүт, саҥа хайысханы булууга бу саамай сөптөөх тэрээһин.