Ил Дархан Айсен Николаев ыйааҕынан быстах байыаннай хомуурга барбыт дьон дьиэ кэргэттэригэр биирдэ бэриллэр 200 тыһыынча солкуобайдаах көмө туһунан вице-премьер Ольга Балабкина быһаарыы биэрдэ.
Быраабыыталыстыба бэрэссэдээтэлин солбуйааччы быһаарбытынан, бу көмөнү быстах хомуурга барбыт байыаннай сулууспалаах бэйэтэ эмиэ ылыан сөп. Өскөтүн кини кэргэнэ, оҕото, чугас аймахтара суох буоллаҕына, эбэтэр бу төлөбүргэ хас да аймаҕа наадыйар буоллаҕына, төлөбүрү байыаннай суууспалаах аатыгар ыытыахтарын сөп.
Байыаннай сулууспалаах дьиэ кэргэнэ атын эрэгийиэҥҥэ олорор буоллаҕына, төлөбүр эмиэ сулууспалаах аатыгар оҥоһуллар. Биир кэмнээх төлөбүр сулууспалаах суруйбут сайабылыанньатыгар ыйыллыбыт сирэй счетугар тиийэр. Сайабылыанньа суруллубатах буоллаҕына, төлөбүр байыаннай сулууспалаахтарга анаан РФ Оборуонатын министиэристибэтин иһинэн аһыллыбыт счекка тиийэр.
Вице-премьер социальнай өйөбүл туһунан боппуруостары 122 суһал нүөмэргэ эрийэн ыйыталаһыахха сөбүн уонна дьоҥҥо аналлаах төлөпүөн сулууспата түүннэри-күнүстэри үлэлиирин бигэргэттэ.
«Ааспыт бээтинсэттэн өрөспүүбүлүкэ улуустарыгар байыаннай сулууспалаахтар дьиэ кэргэттэригэр аналлаах телеграм-бөлөх үлэтин саҕалаата. Бу бөлөх суһаллык киирбит боппуруостары суукка иһигэр быһаарарга анаан тэрилиннэ», — диэн бэлиэтиир Ольга Балабкина.
Төлөбүр төлөммөтөх түгэнэ байыаннай комиссариат тута испииһэк ыыппатаҕыттан тахсыан сөбүн, билигин хас биирдии итинник боппуруоска чопчу үлэ ыытылла турарын иһитиннэрдэ.
Дьокуускайга "Надежда" уһуйаан иитиллээччилэригэр Тымныы Оҕонньор уонна Хаарчаана түннүгүнэн көстөн ааспыттар. Оҕолор үөрүүлэрэ муҥура суох. …
Саха сиригэр ааспыт сууккаҕа биэс буруйу оҥоруу тахсыбытын туһунан СӨ борокуратуура иһитиннэрэр. Мииринэй оройуонугар дьахтар…
Үүнэр сылы хайдах көрсөҕүн да, кэлэр сылыҥ оннук буолар диэн өс хоһооно баар. Дьэ, ол…
Ахсынньы 15 күнүгэр Чэй күнэ бэлиэтэнэр. Онон, маннык тымныы, туманнаах күҥҥэ итии чэйдэ иһиэҕиҥ! Былыр,…
Бүгүн, ахсынньы 15 күнүгэр, Саха сирин үгүс улуустарыгар хаар түһэрэ күүтүллэр диэн УГМС иһитиннэрэр. Хоту,…
"Биисинэс-Экспо" урбаанньыттар быыстапкалара 2010 сылтан ыла ыытыллар буоллаҕына, Вера Лиханова бу тэрээһиҥҥэ 2019 сылтан ыла…