Хаартыска: www.sakha.gov.ru
Бырабыыталыстыба бэрэссэдээтэлин солбуйааччы Ольга Балабкина былаас ситэриилээх уорганын отчуотун чэрчитинэн, Горнай улууһун Бэрдьигэстээх сэлиэнньэтигэр Дьячковскайдар элбэх оҕолоох ыалга баһаар тахсарын сэрэтэр тэрили туруорда. “Бырабыыталыстыба соруга – өрөспүүбүлүкэ олохтоохторо үтүө туруктаныыларын туһугар кыһаныы. Биһиги оҕоҕо куттал суох буолуутугар улахан болҕомтону уурабыт.
“Баһаары сэрэт – АДПИ-та туруор” социальнай аахсыйанан Дьячковскайдар элбэх оҕолоох ыал дьиэтигэр баһаары сэрэтэр тэрил турда. АДПИ – бу кыра тэрил, ол эрээри, буруо тахсар түгэнигэр улахан тыастаахтык биллэрэр, онон дьон кэмигэр дьиэттэн тахсар, алдьархайтан быыһанар кыахтаах” – диэн Ольга Балабкина кэпсиир. Автономнай буруо тахсыытын иһитиннэрэр тэриллэр туруорарга уустуга суохтар, көннөрү батарейканан үлэлиир буолан, уокка холбуур ирдэммэт.
Бырабыыталыстыба бэрэссэдээтэлин солбуйааччы социальнай аахсыйаны Горнай улууһун баһылыгар Никита Андреевка туттарда. Аахсыйа тиһиктээхтик үлэлиир уонна нэһилиэнньэҕэ куттал суох буолуутун хааччыйар комплекснай үлэ сорҕотунан буолар. 2025 сылга 2960 буруо тахсарын иһитиннэрэр тэрили туруорбуттар. Ол түмүгэр 39 киһи тыыннаах хаалбыт, 100-чэкэ киһини, 21 оҕону эвакуациялаабыттар.
Бу туһунан Ил Дархан уонна Бырабыыталыстыба пресс-сулууспата иһитиннэрэр.
"Иркутянка", "Иркутянин" диэн тыл биһиэхэ "күлүүс тыл" буолар эбит. Бу тылы иһиттэрбит эрэ, олох…
Олунньу 2 күнэ. Ил Дархан Сталинград кыргыһыытыгар Сэбиэскэй аармыйа фашистскай ньиэмэс күүстэрин үлтүрүппүт күннэрин туһунан…
“Айар” кинигэ кыһатын эдэр эрэдээктэрэ Анжелика Эверстова “Слово” национальнай литэрэтиирэ бириэмийэтин лауреатынан буолла. Бу туһунан…
Олунньу 6 күнүгэр Хомус аан дойдутааҕы киинигэр учуонай, уус Николай Бурцев-Бахсы Уус 75 сааһыгар анаммыт…
Ааспыт нэдиэлэҕэ Айсен Николаев Арктикатааҕы ускуустуба, култуура уонна креативнай индустрия судаарыстыбаннай университетыгар сырытта. Урукку култуура…
Уһуйаан сэбиэдиссэйэ аһылык бородууксуйатын тириэрдиигэ 3 мөл. солк. тахса суумалаах 15 хантараагы бэйэтин төрөппүт кыыһын…