Хаартыска: www.sakha.gov.ru
СӨ Бырабыыталыстыбатын бэрэссэдээтэлин солбуйааччы Ольга Балабкина Хабаровскайга сырыытын кэмигэр, Ил Дархан Айсен Николаев сорудаҕынан Уһук Илин байыаннай госпиталларыгар уонна байыаннай чаастарыгар командировкаламмыт быраастар мобильнай биригээдэлэрин кытта, анал соруктаах байыастар 14-с гвардейскай биригээдэлэригэр сырытта. Бу туһунан миэдиктэр мобильнай бөлөхтөрүн салайааччыта, Оҕо клиническэй инфекционнай балыыһатын кылаабынай бырааһа Владимир Богдашин иһитиннэрдэ.
Манна Саха сириттэн ыҥырыллыбыттары кытта көрсүһүү буолла. Байыаннай сулууспалаахтар долгутар ыйытыыларыгар хоруйдары ыллылар. Түмүккэ бааннарга кирэдьииттэрин төлөһүүнэн юридическай көмөнү оҥорорго, ону тэҥэ, бааһырыынан көрүллүөхтээх төлөбүр тардыллыытын кытта сибээстээх боппуорустарга өйөбүл оҥорорго быһаардылар.
Байыаннай быраастар хамыыһыйаларын ааһаары кэтэһэ сылдьар мобилизованнайдар, гражданскай быраастар быһаарар кыахтаах боппуруостарыгар Саха сирин исписэлиистэриттэн биирдиилээн сүбэ ыллылар.
Кэккэ бытаарыы баара бэлиэтэнэр, онтон сиэттэрэн байыаннай быраастар хамыыһыйаларыгар көрдөрүнүү болдьоҕо уһаабыт. Бу сүрүннээн байыаннай чаастарга сөптөөх бэлэмнээх мэдиссиинэ каадырдара суохтарыттан тутулуктаах эбит. Боппуруоһу түргэнник быһаарар инниттэн байыаннай чаас командованиета, Уһук Илин уокурукка Саха сирин бастайааннай бэрэстэбиитэлистибэтин нөҥүө өрөспүүбүлүкэни кытта ыкса ситимнээхтик үлэлииргэ бэлэмин биллэрдэ.
Санатан эттэххэ, Уһук Илиҥҥэ үлэлиир быраастар болҕомтолорун Хабаровскай уонна Приморскай кыраайдарга, Еврейскэй автономнай уонна Амур уобаластарыгар уураллар.
Оҕо сыстыганнаах клиническэй балыыһатын кылаабынай бырааһа Владимир Богдашин салайааччылаах бастакы мобильнай биригээдэ састаабыгар терапевт быраас Дмитрий Фёдоров уонна психиатр быраас Александр Бугаев бааллар. Быраастар үлэлиир кэмнэригэр Приморье (Владивосток, Фокино, Уссурийскай, Сергеевка) уонна Хабаровскай кыраай (Хабаровскай, Князе-Волконское) байыаннай чаастарыгар уонна госпиталларга сырыттылар. 123 байыаһы көрөн сүбэ биэрдилэр. Бу сүрүннээн байыаннай дьайыы кэмигэр ылбыт бааһырыы, оһол, дьарҕа буолбут ыарыыларын бэргээһинэ.
Иккис бөлөххө Саха сиринээҕи уйулҕа киинин психологтара Платонова Сахая, Корнилова Олимпиада, Иванова Саргылаана үлэлииллэр. Психиатр быраас бастакы көрүүтүгэр олоҕуран, тестирование ыытан төһө улахан кээмэйдээх көмө ирдэнэрин быһаараллар. Номнуо 46 байыаннай сулууспалаахха психологическай көмөнү оҥорбуттар. Ону тэҥэ, төлөпүөнүнэн чугас дьонугар сүбэ-ама биэрэллэр.
Уйулҕа үлэһиттэрэ салгыы Биробиджаҥҥа Еврейскэй автономнай уобаласка 69-с биригээдэ байыаннай чааһыгар уонна Белогорскайдааҕы байыаннай госпиталга бараллар.
Хаартыска: www.sakha.gov.ru Хаартыска: www.sakha.gov.ru
Ил Дархан уонна Бырабыыталыстыба пресс-сулууспата.
От ыйыгар ГАИ үлэһитин тохтобулга ирдэбилин толорботох иһин ыстараап 12,5 төгүл үрдүөҕэ, ОСАГО полиһа суох…
От ыйын 1 күнүгэр Национальнай бэчээт күнэ бэлиэтэнэр. Бырабыыталыстыба дьиэтигэр сахалыы тыллаах көрдөрөр-иһитиннэрэр сириэстибэлэр үлэһиттэригэр,…
Саха сиригэр сыл саҕаланыаҕыттан байыаннай дьайыы 32 кыттыылааҕа уонна байыаннай сулууспалаахтар 85 дьиэ кэргэттэрин чилиэнэ…
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородуукталарынан мини-пиццалары астыыр ырысыабы кытта үллэстэбит. Пиццалар сыырдаах эбэтэр…