Хаартыска sakha.gov.ru ылылынна.
СӨ Бырабыыталыстыбатын бэрэссэдээтэлин солбуйааччы Ольга Балабкина брифиҥҥэ байыаннай сулууспалаахтар — байыаннай эпэрээссийэ кыттыылаахтара уоппусканы биэрии туһунан сураһыылара элбээбитин бэлиэтиир.
«РФ Оборуонаҕа министиэристибэтин иһитиннэриитинэн, 14 күннээх уопуска бэриллэр. Өрөспүүбүлүкэҕэ бастакы уочарат билиэти төлүүргэ уонна ылыыга үлэ ыытыллар. РФ Оборуонаҕа министиэристибэтэ уоппускалар кыраапык быһыытынан бэриллиилэригэр болҕомтотун уурар«, — диэн этэр кини.
Вице-премьер СӨ Бырабыыталыстыбата байыаннай эпэрээссийэ кыттыылаахтарыгар уонна хас биирдии дьиэ кэргэни кытта тус үлэҕэ, кинилэр боппуруостарын быһаарыыга улахан кыһамньытын, болҕомтотун уурарын этэр.
Ольга Балабкина Ил Дархан Айсен Николаев сорудаҕынан хас оройуон ахсын тэриллибит Telegram-бөлөххө байыаннай эпэрээссийэ кыттыылаахтарын уонна кинилэр дьиэ кэргэттэрин ыйытыылара ыытылларын, ол уталытыллыбакка быһаарыыга ылыллан иһэрин этэр. Маны сэргэ, көмөҕө наадыйдахтарына 122 «суһал лиинийэтигэр» төлөпүөннүөхтэрин сөп диэн этэр.
«Уопсайа 188 сурук киирэн көрүлүннэ. Манна хас биирдиитэ болҕомтоҕо түргэнник ылыллар«, — диир Ольга Балабкина.
Өрөспүүбүлүкэҕэ байыаннай эпэрээссийэ кыттыылаахтарыгар уонна кинилэр дьиэ кэргэттэригэр мэдиссиинэ көмөтө бастакы уочарат оҥоһуллар. Саас кэлбитинэн санаторнай-курортнай эмтэниигэ наадыйыы улаатар, маныаха сөптөөх быһаарыылар түргэнник ылыллаллар.
Психологическай көмөнү оҥоруу салҕанар. «Бу кэм устатыгар байыаннай сулууспалаахтарга уонна кинилэр дьиэ кэргэттэригэр, ол иһигэр улуустарга, барыта 6 тыһыынча психологическай көмөнү оҥоруу ыытылынна. Биһиги психологическай кииммит исписэлиистэрэ өрөспүүбүлүкэ улуустарынан сылдьан үлэлииллэр. Ыраах сытар улуустарга кытары тиийбиттэрэ. Владивостокка, Хабаровскайга, Уссурийскайга уонна Доннааҕы Ростовка госпиталларга психологтар тиийэн үлэлээбиттэрэ«, — диир кини. Үлэни кэҥэтэн иһэр соруктаахтарын этэр.
СӨ Ил Дарханын уонна Бырабыыталыстыбатын пресс-сулууспата
Саха сиригэр икки улахан далааһыннаах тэрээһин буолаары турар: Олоҥхо ыһыаҕа уонна Манчаары оонньуулара. СӨ Бырабыыталыстыбатын…
Бу күннэргэ Үөһээ Бүлүү улууһун Мэйик нэһилиэгэр Арассыыйаҕа Аҕа дойдуну көмүскээччилэрин, Саха сиригэр Ийэ дойдуну…
Быһылаан өссө тахсыбатын туһугар ГИМС иниспиэктэрдэрэ сэрэтэр эриэйдэлэри ыыталлар Кылгас сайыннаах буоламмыт, күн итийдэ да…
Бэс ыйын 24 күнүгэр 1968 сыллаахха Дьокуускайга Манчаары Баһылай бирииһигэр I спартакиада былааҕа көтөҕүллүбүтэ. Күрэхтэһии…
СӨ Быыһыыр сулууспата иһитиннэрбитинэн, Үөһээ Бүлүү улууһугар ыам ыйын 13 күнүттэн 1987 с.т. эр киһини…
Нерюнгрига Олоҥхо ыһыаҕа ыытылла турар, саҥа тутуллубут "Амикан'' этнокомплекска Уустар түһүлгэлэрин аһыллыыта буолла. Бырабыыталыстыба бэрэссэдээтэлин…