Мария Васильева, ЯСИА
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина “Пути ВОИНа” Бүтүн Арассыыйатааҕы байыаннай-тактическай күрэхтэһии түмүктүүр түһүмэҕин тэрийиигэ уонна ыытыыга анаммыт мунньаҕы ыытта.
Ольга Балабкина бу тэрээһини ураты болҕомтоҕо тутулларын эттэ.
“Бүтүн Арассыыйатааҕы бастакы байыаннай-тактическай күрэхтэһии финалын тэрийии Саха сиригэр улахан итэҕэлинэн буолар. Биһиги үрдүк тэрээһини көрдөрүөхтээхпит”, — диэтэ Ольга Балабкина.
Мунньахха тэрээһини, култуура бырагырааматын, куттал суох буолуутун боппуруоһун, кыттыылаахтары олордууну-аһатыыны кэпсэттилэр. Чуолаан, “Энергетик” оҕо лааҕырын таһыгар баар ойуурдаах сиргэ күрэхтэһиини ыытыы былаһааккатын бэлэмнээһин туһунан. Бу сиргэ хамаандалар олоруохтара.
Дьокуускайга “Пути ВОИНа” түмүктүүр түһүмэҕэ балаҕан ыйын 15-21 күннэригэр ыытыллыаҕа. Манна 48 спортсмен Арассыыйа түөрт эрэгийиэниттэн кыттыаҕа – Саха сириттэн, Волгоградтан, Хабаровскайтан уонна Тюментэн.
Балаҕан ыйын 12 күнүгэр генеральнай репетиция тэриллиэҕэ.
Бу тэрээһини “ВОИН” киин Арассыыйа Федерациятын Бырабыыталыстыбатын Бэрэссэдээтэлин солбуйааччы – Арассыыйа Федерациятын Бэрэсидьиэнин Уһук Илин федеральнай уокуругар боломуочуйалаах бэрэстэбиитэлин, “ВОИН” киин кэтээн көрөр сэбиэтин бэрэссэдээтэлэ Юрий Трутнев өйөбүлүнэн ыытыллар. Бырайыак курсаннары бэлэмнээһиҥҥэ тутаах былаһаакканан буолар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: Мария Васильева, ЯСИА
Подробнее: https://www.sakha.gov.ru/news/11593
Арассыыйаҕа байыаннай биэнсийэлэри уонна акылааттары алтынньы 1 күнүттэн индексациялыахтара, диэн РИА Новостига Госдуума үлэҕэ кэмитиэтин…
Арассыыйа Силиэстийэлиир кэмитиэтин бэрэссэдээтэлэ Александр Бастрыкин Үөһээ Бүлүүгэ эр киһи сүппүтүнэн холуобунай дьыаланы дакылааттыырга ирдээтэ.…
Саха сиригэр Wildberries маркетплейс былааннарын туһунан өрөспүүбүлүкэ экэниэмикэҕэ миниистирин солбуйааччы Анна Кокорина кэпсээтэ. “Сүрүн инвестбырайыак…
Саха сиринээҕи УФСБ үлэһиттэрэ Магадан уобалаһынааҕы кэллиэгэлэрин кытта наркотигынан эргиниини быһаардылар. 1 миллиард солкуобайга тэҥнэһэр…
Ааспыт түүн Сиргэ эмискэччи магнитнай буурҕа түспүт. Бу туһунан ИКИ РАН күн астрономиятын лабораториятыгар иһитиннэрбиттэр…
Дьокуускайга ааспыт сууккаҕа 14 суол саахала буолбутун туһунан Госавтоинспекция иһитиннэрэр. 17 чаас саҕана Михаил Николаев…