Ольга Балабкина “Якутия 24” ханаалга ойууру чөлүгэр түһэрии уонна оҕолорго куттал суох буолуутун хааччыйыы туһунан кэпсиэҕэ

Бээтинсэҕэ, атырдьах ыйын 2 күнүгэр “Якутия 24” ханаал “Актуальное интервью” биэриитигэр өрөспүүбүлүкэ вице-премьерэ Ольга Балабкина тахсыаҕа. Ити туһунан Ил Дархан уонна Бырабыыталыстыба пресс-сулууспата иһитиннэрэр.

Ольга Валерьевна Арктика улуустарыгар атыы-логистическай кииннэр үлэлэрин уонна ол кэскилин туһунан кэпсиэҕэ. Ону тэҥэ, тэлэбиисэринэн көрөөччүлэргэ ойууру чөлүгэр түһэрии уонна “Экология” национальнай бырайыак иитинэн “Ойууру харыстааһын” федеральнай бырайыак, тиэхиньиичэскэй хааччыйыыны хабан туран, олоххо киириитин  иһитиннэриэҕэ.

Саха сиригэр Оҕо саас сылынан тас дьайыылартан оҕо куттала суох буолуутун уонна Арктика улуустарыгар оҕолору кытта үлэ суолталаах боппуруостарын тула кэпсэтиэхтэрэ. Биэрии 15:15 м. саҕаланар.