Хаартыска: Ил Дархан уонна СӨ Бырабыыталыстыбатын пресс-сулууспата.
Муус устар 7 күнүгэр СӨ Бырабыыталыстыбатын бэрэссэдээтэлин солбуйааччы Ольга Балабкина Тулагы нэһилиэгин баһаарынай управлениетын үлэһиттэрин кытта үлэ бэтэрээнэ, элбэх оҕолоох ийэ Мария Исмаговна Попова чааһынай дьиэтигэр баһаартан сэрэтэр тэриллэри туруордулар.
Дьокуускайдааҕы МТС-ка комбайнер-механик идэтигэр үөрэнэн баран, Мария Попова 1957 сыллаахха «Дьокуускай» сопхуоска үлэлээбитин, 1994 сыллаахха биэнсийэҕэ тахсыбытын кэпсээтэ. Кини сопхуоска ыанньыксытынан тиэхиньик-осеменаторынан үлэлээбитэ. 1965 сыллаахха — Саха АССР бастыҥ ыанньыксыта, үлэ бэтэрээнэ. Тулагы-Киллэм нэһилиэгин дьокутааттарын Сэбиэтин 1963, 1965, 1967 сылларга үс төгүл ыҥырыылаах дьокутаата, 1961 сыллаахха РСФСР Тыа хаһаайыстыбатыгар Социалистическай куоталаһыытын кыайыылааҕа. Маны таһынан, Маргарита Исмаговна элбэх оҕолоох ийэ буолан 1 истиэпэннээх Ийэ буолуу мэтээлинэн наҕараадаламмыта. Кэргэнин Юрий Николаевич Поповтуун, биэс оҕону иитэн-үөрэтэн, улаатыннарбыттара.
— Бүгүн эн дьиэҕэр баһаары сэрэтэр сигнализацияны туруордубут. Дьиэ баһаара үгүстүк түүн бары утуйа сыттахтарына тахсар. Автономнай баһаар сигнализацията буруону тута билэр, улаханнык тыаһыыр уонна куттал тахсыбыт түгэнигэр уһугуннарар, — диэн быһаарда СӨ бэрэссэдээтэлин солбуйааччыта Ольга Балабкина.
Тулагы нэһилиэгин баһаарынай сулууспатын үлэһиттэрэ Лена Седелкова уонна Виктор Колесов АДПИ-ны туһаныы быраабылаларын сиһилии быһаардылар. Автономнай баһаарынай сигнализация үгүс киһи олоҕун быыһаабытын уонна көдьүүстээҕин дакаастаабытын бэлиэтээтилэр.
Быйыл Саха сиригэр “Баһаары сэрэт – АДПИ-та туруор” социальнай аахсыйа 2025 сыл олунньу 5 күнүттэн ахсынньы 31 күнүгэр диэри ыытыллыаҕа. Тэрээһин Арассыыйаҕа Аҕа дойдуну көмүскээччи уонна Саха сиригэр Ийэ дойдуну көмүскээччи сылларыгар ананар. СӨ Бырабыыталыстыбатын Бэрэссэдээтэлин солбуйааччы Ольга Балабкина аахсыйаны салгыырыгар анаан РФ Дьоруойугар, СӨ ыччат уонна социальнай коммуникация миниистирин э.т. Игорь Юргиҥҥа туттарда.
Бэнидиэнньиккэ, ахсынньы 8 күнүгэр, Хатас – Павловскай хайысханан Өлүөнэ өрүһү туоруур кыһыҥҥы суолга тырааныспарга көҥүл…
Өлүөхүмэ оройуонун борокуратуурата РФ Холуобунай кодексатын 111-с ыстатыйатын 4-кы чааһынан (соруйан доруобуйаҕа ыар эчэйиини оҥоруу,…
Бүгүн, ахсынньы 8 күнүгэр, СӨ Уопсастыбаннай балаататыгар «Доруобуйа харыстабылын эйгэтин үбүлээһин уонна социальнай мэктиэлэри хааччыйыы…
Ахсынньы 9 күнүгэр Арассыыйа империятын, Сэбиэскэй Сойуус уонна аныгы Арассыыйа – араас кэмнэр дьоруойдарын бэлиэ…
Бүгүн суруналыыс, суруйааччы Ангелина Васильева "Саха"НКИХ "Айар дьон" биэриитигэр кыттыыны ылла. Биэриини эрэдээктэр Татьяна Степанова…
«Национальные приоритеты» АНО уонна Арассыыйа экэнэмиичэскэй сайдыытын министиэристибэтэ дойду үрдүнэн кыһыҥҥы айаны көҕүлүүр сыалтан «Сколько…