Саха сирин экологияҕа министиэристибэтин сылы түмүктүүр мунньаҕар “Зеленый четверг” экология бырайыагын тэнитиигэ стратегическай сиэссийэ буолла.
“Стратегическай сиэссийэҕэ экология үлэһиттэрин сэргэ актыбыыстар, урбаанньыттар кытталлар, — диэтэ Саха сирин Бырабыыталыстыбатын Бэрэссэдээтэлин солбуйааччы Ольга Балабкина.
Бырабыыталыстыба Бэрэссэдээтэлин солбуйааччы экология көҕүлээһинэ саҥа саҕаламмытыгар үлэлэригэр сатыы эбэтэр “Зеленый четверг” тэрээһиҥҥэ бэлисипиэтинэн кэлэргэ билэр дьонун, биир идэлээхтэрин хайдах ыҥырбытын кэпсээтэ.
Экология миниистирэ Евгений Перфильев бу аахсыйа бэс ыйын 5 күнүгэр Эколог күнүттэн саҕаламмытын санатта.
“Дьон дьиэ таһын, сири-уоту ыраастааһыҥҥа, маһы, талаҕы олордууга кыттыбыттара, сир баайын хостооччулар ууга балыгы ыыттылар, оскуолаларга аахсыйалар буоллулар. Онон сиэссийэҕэ бу аахсыйаны өссө хайдах кэҥэтэри торумнуохпут”, — диэтэ миниистир.
Аахсыйаҕа Нерюнгри оройуона инники күөҥҥэ иһэр (5739 кыттааччы). Киин улуустарга Бүлүү оройуона 502 кытааччылаах уонна 11 аахсыйалаах. Хоту улуустарга 158 кыттааччылаах уонна 10 көҕүлээһиннээх Аллайыаха улууһа. Оттон Алдан туруктаахтык үлэлээһиҥҥэ рекорду көрдөрдө – 27 тэрээһини ыытта.
Тустаах аахсыйа дойдуга Арассыыйа Бэрэсидьиэнэ Владимир Путин сорудаҕынан олоххо киллэриллэр “Экологическое благополучие” национальнай бырайыак уонна Саха сирин Ил Дархана Айсен Николаев “Саха Өрөспүүбүлүкэтигэр экология туруктаах буолуутун туһунан” стратегическай ыйааҕар сөп түбэһэр.
sakha.gov.ru
Хаартыска: Саргын Скрябин, ЯСИА
Сиһилии: https://www.sakha.gov.ru/news/17453
Владимир Путины 2026 сыл балаҕан ыйын 1 күнүгэр Жатай бөһүөлэгэр «Кэлэр кэм туочуката» үөрэх кластерын…
“Саха “НКИК суруналыыһа Олег Колесов Норуоттар сомоҕолоһууларын сылыгар дойду норуоттарын өйүүр миэрэлэр тустарынан ыйытыытыгар хоруйдууругар…
Бүгүн, ахсынньы 19 күнүгэр, Татыйаас Филиппова «Дойду» диэн ааттаах фотопоэзиятын персональнай быыстапка, «Үргэл» арт-галереяҕа аһылынна.…
Түмэл иитэр-үөрэтэр үлэҕэ музейнай педагогика диэн улахан суолталаах эйгэ буолар. Бу, оҕо экспонат көмөтүнэн устуоруйаны…
Саха сиригэр уот тарыыба социальнай тэрилтэлэргэ эмискэ улааппытын, онон саахал тахсар куттала баарын туһунан Саха…
Саха сирин Бырабыыталыстыбатын Бэрэссэдээтэлин солбуйааччы Георгий Степанов Арассыыйа Бэрэсидьиэнэ Владимир Путин пресс-кэмпириэнсийэтин – быһа эпиирин…