Ольга Григорьева: «Биисинэс сайдыытыгар быһаччы дьайар киэҥ эйгэни дьүүллэстибит»

СӨ Уопсастыбаннай балаататын Урбааҥҥа уонна креативнай экэниэмикэҕэ хамыыһыйатын бэрэссэдээтэлэ Ольга Григорьева Ил Дархан иһинэн урбааҥҥа Координационнай сэбиэт мунньаҕын сүрүн түмүктэринэн санаатын үллэһиннэ.

«Бүгүн эрэгийиэн уонна биисинэс сайдыытыгар быһаччы дьайар киэҥ эйгэни дьүүллэстибит. Ол иһигэр оскуола иннинээҕи үөрэх, доруобуйа харыстабыла, итиэннэ Арктикаҕа интэриниэт суох буолуутун кыһалҕата. Тыа хаһаайыстыбатын министиэристибэтэ уонна Роскачество олоххо киллэрэр «Саха сиригэр оҥоһуллубут» бородууксуйаны сертификация тиһигэр киллэрии боппуруоһа ураты болҕомтоҕо ылылынна. Бу олохтоох табаар хаачыстыбатын үрдэтэргэ уонна экспорка тахсар саҥа кыахтары арыйарга көмөлөһүөҕэ», — диэн Ольга Григорьева бэлиэтээтэ.

Кини биинисэс уонна былаас бииргэ үлэлээһиннэрэ Уопсастыбаннай көмөлөһөөччүлэр сэбиэттэрин нөҥүө тирээн турар кыһалҕалары суһаллык быһаарарга уонна наадалаах көҕүлээһиннэри саҕалыырга көмөлүүрүн бэлиэтээтэ.

«Биһиги сыалбыт-сорукпут — Саха сиригэр оҥорон таһаарар бородууксуйабыт дойду иһигэр уонна тас дойдуларга саамай үрдүк ирэбиллэргэ сөп түбэһэрин ситиһии», — диэн кини эбэн эттэ.