Салгыы
Ольга Любимова Дьокуускайга киинэ бэстиибэлин тэрийэри биһириир

Ольга Любимова Дьокуускайга киинэ бэстиибэлин тэрийэри биһириир

Ааптар:
12.12.2023, 10:30
Хаартыска sakha.gov.ru ылылынна
Бөлөххө киир:

 Арассыыйа Култуураҕа миниистирэ Ольга Любимова уонна СӨ Култуураҕа миниистирэ Афанасий Ноев көрсөн, киинэни устууну сайыннарыы уонна эрэгийиэҥҥэ киинэ бэстибээлин ыытыахха сөптөөҕүн туһунан дьүүллэспиттэр.

Маныаха Ольга Любимова эрэгийиэн салалтатын көҕүлээһинин биһириирин биллэрбит. Кини бэлиэтииринэн, эрэгийиэн режиссердара үлэлэрин көрдөрөр кыахтаналларыгар, суолталаах тиэмэҕэ кэпсэтиини ыыталларыгар уонна саҥа бырайыактары оҥорууга сүргэлэрэ көтөҕүллэн үлэлииллэригэр былаһаакканы тэрийии оруоллааҕын бэлиэтээбит.

Афанасий Ноев Дьокуускайга норуоттар икки ардыларынааҕы уонна Арассыыйа таһымнаах далааһыннаах тэрээһиннэри ыытарга сөптөөх Эпос уонна ускуустуба Арктикатааҕы киинин тутуу туһунан кэпсээбит. Маны таһынан, «Култуура» национальнай бырайыагы олоххо киллэрии боппуруостарын дьүүллэспиттэр. Федеральнай былаастар өйөбүллэринэн өрөспүүбүлүкэҕэ култуура тэрилтэлэрин тутуу, өрөмүөн үлэлэрэ ыытыллаллар, тэриллэринэн хааччыллаллар. Саха сирин кэлэктииптэрэ «Большие гастроли» уонна «Мы – Россия» бырагыраамаларга көхтөөхтүк кыттыылара салҕанар. Быйыл дойду куораттарыгар 17 төгүл кыттыбыттар уонна саҥа эрэгийиэннэргэ үстэ кэнсиэртээбиттэр.

РФ Бэрэсидьиэнэ Владимир Путин көҕүлээбит национальнай бырайыактара 2019 сылтан саҕаламмыттара. Кэнники биэс сылга Саха сиригэр национальнай бырайыак иитинэн 45 култуура эбийиэгэ үлэҕэ киллэриллибитэ, 139 кулууп материальнай-тэхиниичэскэй баазата тупсарыллыбыта, култуура 19 тэрилтэтигэр хапытаалынай өрөмүөн ыытыллыбыта, 14  мобильнай бибилэтиэкэ тэриллибитэ,  оҕо ускуустубатын  18 оскуолата үстүрүмүөннэринэн хааччыллыбыта, 5  автоклуб ылыллыбыта. 2019 сылтан култуура тэрээһиннэригэр сылдьыы 1,6 төгүл улааппыт уонна 2022 сылга 19,5 мөл. тиийбитэ бэлиэтэнэр. Саха сирэ киинэни устан таһаарыыга Москва уонна Санкт-Петербург кэннилэриттэн Арассыыйаҕа үһүс бастыҥ көрдөрүүлээх.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
16 апреля
  • -2°C
  • Ощущается: -2°Влажность: 54% Скорость ветра: 1 м/с

Сообщить об опечатке

Текст, который будет отправлен нашим редакторам: