Хаартыска sakha.gov.ru ылылынна
Арассыыйа Култуураҕа миниистирэ Ольга Любимова уонна СӨ Култуураҕа миниистирэ Афанасий Ноев көрсөн, киинэни устууну сайыннарыы уонна эрэгийиэҥҥэ киинэ бэстибээлин ыытыахха сөптөөҕүн туһунан дьүүллэспиттэр.
Маныаха Ольга Любимова эрэгийиэн салалтатын көҕүлээһинин биһириирин биллэрбит. Кини бэлиэтииринэн, эрэгийиэн режиссердара үлэлэрин көрдөрөр кыахтаналларыгар, суолталаах тиэмэҕэ кэпсэтиини ыыталларыгар уонна саҥа бырайыактары оҥорууга сүргэлэрэ көтөҕүллэн үлэлииллэригэр былаһаакканы тэрийии оруоллааҕын бэлиэтээбит.
Афанасий Ноев Дьокуускайга норуоттар икки ардыларынааҕы уонна Арассыыйа таһымнаах далааһыннаах тэрээһиннэри ыытарга сөптөөх Эпос уонна ускуустуба Арктикатааҕы киинин тутуу туһунан кэпсээбит. Маны таһынан, «Култуура» национальнай бырайыагы олоххо киллэрии боппуруостарын дьүүллэспиттэр. Федеральнай былаастар өйөбүллэринэн өрөспүүбүлүкэҕэ култуура тэрилтэлэрин тутуу, өрөмүөн үлэлэрэ ыытыллаллар, тэриллэринэн хааччыллаллар. Саха сирин кэлэктииптэрэ «Большие гастроли» уонна «Мы – Россия» бырагыраамаларга көхтөөхтүк кыттыылара салҕанар. Быйыл дойду куораттарыгар 17 төгүл кыттыбыттар уонна саҥа эрэгийиэннэргэ үстэ кэнсиэртээбиттэр.
РФ Бэрэсидьиэнэ Владимир Путин көҕүлээбит национальнай бырайыактара 2019 сылтан саҕаламмыттара. Кэнники биэс сылга Саха сиригэр национальнай бырайыак иитинэн 45 култуура эбийиэгэ үлэҕэ киллэриллибитэ, 139 кулууп материальнай-тэхиниичэскэй баазата тупсарыллыбыта, култуура 19 тэрилтэтигэр хапытаалынай өрөмүөн ыытыллыбыта, 14 мобильнай бибилэтиэкэ тэриллибитэ, оҕо ускуустубатын 18 оскуолата үстүрүмүөннэринэн хааччыллыбыта, 5 автоклуб ылыллыбыта. 2019 сылтан култуура тэрээһиннэригэр сылдьыы 1,6 төгүл улааппыт уонна 2022 сылга 19,5 мөл. тиийбитэ бэлиэтэнэр. Саха сирэ киинэни устан таһаарыыга Москва уонна Санкт-Петербург кэннилэриттэн Арассыыйаҕа үһүс бастыҥ көрдөрүүлээх.
Өрөспүүбүлүкэҕэ эми-тому атыылаһыыга уонна тарҕатыыга сыһыаннаах эмп-том хааччыйыытын ньымалара тохсунньу 9 күнүгэр СӨ Ил Дархана…
Ньурба улууһугар полиция үлэһиттэрэ Саҥа дьыл түүнүгэр тыаҕа муммут уонна суолга хаарга хаайтарбыт массыыналаах ыалга…
Дьокуускай куорат борокуратуурата криптовалютаҕа инвестициялыыр аатыран дьон үбүн-харчытын уорууга сыһыаннаах холуобунай дьыаланы суукка ыытта. Бу…
Ил Дархан Айсен Николаев бэҕэһээ, тохсунньу 9 күнүгэр, оробуочай сырыытынан Дьокуускайга баар Искэн киинин үлэтин…
СӨ Ил Дархана Айсен Николаев тохсунньу 9 күнүгэр Дьокуускайга 253 үөрэнээччилээх 1 №-дээх орто оскуола…
Ааспыт сыл сэтинньитигэр онкология өрөспүүбүлүкэтээҕи диспансерын устуоруйатыгар киирэр түгэн — плазмосорбция процедурата оҥоһулунна. Анестезиология, реанимация…