Ольга Скорикова Ленин болуоссатын бырайыагын тула санаатын үллэһиннэ

Дьокуускайга Ленин болуоссатын саҥардан оҥоруу үлэтэ түмүктэнэн эрэр. Бу күннэргэ түмүктүүр үлэлэр күүскэ ыытыллаллар.

Куорат олохтоохторо болуоссат саҥа, уларыйан эрэр  көстүүтүн социальнай ситимнэринэн күүскэ ырыталлар.

— Архитектура олус уустук көрүҥ. Манна ааптартан талаан, сатабыл ирдэнэр.  Ленин болуоссатын реконструкциялааһыҥҥа түөрт уопуттаах архитектор ылсан үлэлиир.  Кинилэр үлэлэрэ эрэгийиэн, дойду араас куонкурустарыгар хаста даҕаны миэстэлэһэн турардаахтар. Онон идэтийбит архитектордарга  эрэниэххэ наада, — диэн Худуоһунньуктар сойуустарын бэрэссэдээтэлэ, худуоһунньук-дизайнер Ольга Афанасьевна Скорикова санаатын үллэһиннэ.