Хаартыска: Үөрэх, билим министиэристибэтиттэн.
Дойду Бэрэсидьиэнэ Владимир Путин быһа эпиирин кэнниттэн Үөрэх уонна билим министиэристибэтин уопсастыбаннай сэбиэтин бэрэссэдээтэлэ Ольга Яшина тус санаатын үллэһиннэ.
Дойдубут Бэрэсидьиэнэ Владимир Владимирович Путин ахсынньы 19 күнүгэр быһа эпииринэн сыл түмүгүн таһаарда, суруналыыстар, олохтоохтор ыйытыыларыгар хоруйдаата. Инники күөҥҥэ турар хайысхалар: экэниэмикэ, анал байыаннай дьайыы уонна норуоттар икки ардыларынааҕы сыһыан; дьиэ кэргэни, ийэ буолууну уонна оҕону өйөөһүн, информационнай эйгэ сайдыыта о.д.а. Уопсай ылан көрдөххө, бу 2025 сыллааҕы сайдыы сүрүн хайысхалара буолаллар.
Бэрэсидьиэн этэринэн, дойду экэниэмикэтэ бигэ туруктаах. Кэлиҥҥи икки-үс сылга Арассыыйа биллэ күүһүрдэ, дойду суверенитета бөҕөргөөтө диэн Владимир Владимирович Путин этэр: технологическай, экэнэмиичэскэй, үөрэх, култуура өттүнэн. Бэрэсидьиэн Арктика зонатыгар уонна Уһук Илиҥҥэ өйөбүл миэрэлэр кэҥээбиттэрин бэлиэтиир: 2% ипотека оннунан хаалыыта, туспа бырагырааманан (манна Дьокуускай эмиэ киирбитэ) 25 куораты сайыннарыы, уо.д.а. миэрэлэр.
Киирбит ыйытыы 20 бырыһыана социальнай бэлиитикэҕэ сыһыаннаах, ол иһигэр үөрэххэ. Саҥа оскуолалары, уһуйааннары тутуу, учууталлар хамнастарын үрдэтии, Карелия Өрөспүүбүлүкэтигэр үөрэх тэрилтэлэрин сабыллыыта, Еврейскэй автономнай уобаласка оскуолалар туруктара, Бэрэсидьиэҥҥэ ити курдук ыйытыылаах тиийдилэр.
Итини сэргэ, дойду баһылыга Киин Азия дойдуларыгар нуучча оскуолаларын ситимин кэҥэтэр суолталааҕын, нуучча тылын үөрэтиини өйүүр ирдэнэрин ыйда.
Мин санаабар, Бэрэсидьиэн аныгы информационнай эйгэҕэ киһи бэйэтин оҕотун иннигэр, кини кэскилин уонна оҕото олоруохтаах дойдутун туһугар эппиэтинэһэ сүрүн ыйыы буолар диэн итэҕэтиитэ ордук суолталаах.
Түмүккэ Владимир Владимирович Путин дьиэ кэргэттэргэ туһаайыы оҥордо. Кэлэн иһэр Саҥа дьылынан, Ороһооспонон чугас дьоммутугар улахан болҕомто уурарбытыгар, ситиһиини, дьолу, табыллыыны баҕарда.
Олус элбэх ыйытыы киирдэ (2,3 мөл. тахса), манна искусственнай интеллеги туһаммыттар. Сорох ыйытыылар уопсастыбаннай тэрилтэ – Бүтүн Арассыыйатааҕы норуот пуруонун көхтөөх кыттыытынан суһаллык быһаарыллыбыттар. 2025 сылга киирбит ыйытыыларга барытыгар хоруйдуур үлэ салҕаныаҕа.
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…
Дьокуускай куорат борокуратуурата сэдэх (орфаннай) ыарыынан ыалдьар инбэлиит быраабын көмүскээн, үрдүк сыаналаах эминэн хааччылларын ситистэ.…
Байыаннай дьайыы бэтэрээнин Пеледуй бөһүөлэк орто оскуолатыгар тэриллибит Москва анныгар фашистскай халабырдьыттары утары кыргыһыы 84…
Саҥа Дьыл чугаһаабытынан Саха сирин олохтоохторо дьиэлэригэр, «утренниктарга» уонна тэрилтэлэрин киэһэлэригэр Тымныы Оҕонньору уонна Хаарчаананы…
Ил Дархан 2025 сыл түмүктэрин таһаарыаҕа уонна өрөспүүбүлүкэ сайдыытын кэскилин торумнуоҕа. Ахсынньы 23 күнүгэр, Дьокуускай…