Салгыы
Ольга Балабкина: «Көмөлөһүү, өйөөһүн олус наадалаах!”

Ольга Балабкина: «Көмөлөһүү, өйөөһүн олус наадалаах!”

Ааптар:
01.12.2022, 17:23
Бөлөххө киир:

СӨ Бырабыыталыстыбатын бэрэссэдээтэлин солбуйааччы Ольга Балабкина анал байыаннай эпэрээссийэни өйүүрүн биллэрэн туран, дойдубут соҕуруу өттүгэр буола турар быһыыны-майгыны туораттан көрөөччү эрэ буолуо суохтаахпыт диэн тус санаатын үллэһиннэ:
— РФ Бэрэсидьиэнэ Владимир Путин быйыл олунньуга биллэриллибит анал байыаннай эпэрээссийэ туһунан быһаарыыны ылыныыта дойду тутулуга суох буолуутун туһугар эрэ буолбакка, дойду хас биирдии олохтооҕун көҥүлүн, тутулуга суох буолуутун көмүскүүр туһугар ылыллыбыт быһаарыынан буолар. Маны сэргэ, биһиги бука бары биир дойдулаах дьон-норуот быһыытынан биир сомоҕо буолуубутун харыстыыр туһугар. Ол иһин күн бүгүн биһиги модун күүстээх дойду дьоно-сэргэтэ буоларбытын хаһааҥҥытааҕар да билинэрбит, киэн туттарбыт уонна өйдүүрбүт улахан суолталаах.
Дойдубутугар билиҥҥи судургута суох кэмнэргэ буола турар быһыыттан-майгыттан туора туран хаалбаккабыт, бэйэ-бэйэбитин өйөһөрбүт, көмө-тирэх буоларбыт тирээн кэллэ. Дойдубут иэнэ улахан, киэҥ. Соҕуруу буола турар түгэннэртэн ыраах олорор курдукпут. Ол эрээри биһиги манна төһө да нус-хас олохтоох буолларбыт, онно холку эйэлээх олох суоҕун туораттан кэтээн көрөөччү эрэ буолуо суохтаахпыт диэн чопчу өйдүөхтээхпит. Анал байыаннай эпэрээссийэ буола турар сирдэригэр олорор дьон кыһалҕаларын киһи быһыытынан чугастык ылынан көмөлөһүү, өйөөһүн олус наадалаах!

Бары сонуннар
Салгыы
9 февраля
  • -48°C
  • Ощущается: -48°Влажность: 63% Скорость ветра: 0 м/с

Сообщить об опечатке

Текст, который будет отправлен нашим редакторам: