Аан дойдутааҕы олимпийскай кэмитиэтэ (МОК) Париж куоракка ыытыллар Олимпийскай оонньууларга Арассыыйаттан кыттар нейтральнай спортсменнар испииһэгин таһаарда. Хамаанда састаабыгар официальнай ыҥырыыны ылбыт уонна кыттартан аккаастамматах 15 спортсмен киирдэ. Ону кытта Олимпиадаҕа биэс саха спортсмена кыттыаҕа.
Ол туһунан «MK.ru» таһаарыы биллэрдэ. Бэлисипиэдиэнэн күрэхтэһиилэргэ Тамара Дронова, Алена Иванченко, Глеб Сырица кыттыахтара.
Евгений Сомов харбааһыҥҥа киирсиэҕэ. Алексей Коровашков, Захар Петров уонна Олеся Ромасенко байдарканан күрэхтэһиэхтэрэ. Анжела Бладцева батутка ыстаныыга кыттара күүтүллэр. Саамай элбэх спортсмен теннискэ киирсиэҕэ — Даниил Медведев, Павел Котов, Роман Сафиуллин, Мирра Андреева, Екатерина Александрова, Диана Шнайдер уонна Елена Веснина.
Саха сириттэн буолаары турар Олимпийскай ооннььуларга тустууга Владимир Егоров (Хотугу Македония), Айаал Лазарев (Кыргызстан), Виктор Рассадин (Таджикистан) уонна Георгий Окороков (Австралия), ону кытта сүүрүүгэ Сардаана Трофимова (Кыргызстан) кытталлара күүтүллэр. Ол эрээри, Олимпиада тэрийээччилэрэ испииһэк уларыйыан сөп диэн биллэрдилэр. Ону таһынан Аан дойдутааҕы олимпийскай кэмитиэтэ туох эмит биричиинэнэн кыттыбат буоллахтарына, спортсменнары уларытыы, миэстэлэрин уларытан биэрии тахсыан сөп иһитиннэрдилэр. Спортсменнары ситиһиилэри!
Олимпийскай оонньуулар Францияҕа от ыйын 26 — атырдьах ыйын 11 күннэригэр диэри ыыттыллыахтара. Арассыыйа спортсменнара турнирга нейтральнай ыстаатыска эрэ кыттар кыахтаахтар.
ТАСС суруйарынан, дойду Аҕа баһылыга Владимир Путин байыаннай дьайыы кыттыылаахтара уонна кэргэттэрэ 10 мөл. солк.…
I I Бишкектээҕи норуоттар икки ардыларынааҕы киинэ бэстибээлигэр Гран-при ылбыт «Хаар куйаар номохторо» («Легенды вечных…
Быйыл, сэтинньи бүтүүтэ, биһиги Саха сирин суруйааччыларын айар сойуустарын 90 сылын бэлиэтиэхпит. Бу 90 сылтан…
Бүгүн, сэтинньи 24 күнүгэр, 19:00 чаастан "Россия 24" телеханаалга «ВМЕСТЕ с Айсеном Николаевым» биэриини көрүҥ.…
Соторутааҕыта буолан ааспыт фашизмы утарыы пуорумугар байыаннай дьайыыттан 25 бастыҥ байыас инники кирбииттэн кэлэн кыттыбыта.…
Ааспыт сууккаҕа буруйу оҥоруу 6 түбэлтэтэ бэлиэтэнэн, СӨ Борокуратууратын хонтуруолугар киирдэ. Уус Алдан улууһугар 1977…