ОЛИМПИАДА-2024: Владимир Егоров бастакы эргииргэ Индия бөҕөһүгэр хоттордо

Бүгүн, атырдьах ыйын 8 күнүгэр, тустуук Владимир Егоров Парижтааҕы Олимпиада көбүөрүгэр бастакы киирсиитэ буолла. Кини Македония аатыттан 57 киилэҕэ тустар.

Манна кини 10:0 ахсааҥҥа Индия бөҕөһүгэр Аман Амаҥҥа хоттордо. Манна диэн суруйдахха, Владимир Европаҕа квалификациялаах киирсии иһин күрэхтэһиигэ туста сылдьан атаҕын эчэппитэ мэһэйдээтэ.

Салгыы Индия тустууга Аман Аман финалга тахсар түгэнигэр, Владимир Егоров эрэхтээх хапсыһыыга киирсэр кыахтаныаҕа.

Оттон сарсын киэһэ 18 ч.  74 киилэҕэ Виктор Рассадин (Таджикистан аатыттан) тустуоҕа.