"Мой спорт" устуудьуйа хаартыската.
Көҥүл тустууга 2003-2005 cыллаах төрүөх уолаттарга уонна кыргыттарга ыытыллыахтаах норуоттар икки ардыларынааҕы күрэхтэһиини көрсө, Дьокуускайга олимпийскай чөмпүйүөн, СССР успуордун үтүөлээх маастара, СССР үтүөлээх тириэньэрэ Роман Михайлович Дмитриев үтүө аатын үйэтитэн, кини пааматынньыгар өрөспүүбүлүкэ успуорка уопсастыбаннаһа, күрэхтэһии кыттыылаахтара, ыалдьыттар, чугас дьоно, аймахтара сибэкки дьөрбөтүн уурдулар.
«Роман Михайлович Дмитриев туһунан сырдык өйдөбүл өрүү биһигини кытта. Биһиги кини тустуутун, хайдахтаах курдук кини үтүө киһи буоларын уонна кини төрөөбүт өрөспүүбүлүкэтин сайдыытыгар оҥорбут үтүөтүн умнубаппыт. Роман Дмитриев аата көҥүл тустуунан дьарыктанар үүнэр көлүөнэҕэ ыйар сулус буолуоҕа», – диэн Ил Дархан Айсен Николаев эрдэ этэн турар.
Быйыл норуоттар икки ардыларынааҕы улахан турнирга 13 дойдуттан, 16 эрэгийиэнтэн 270 спортсмен кыттыаҕа. Күрэхтэһии сүрүн уратытынан, уон сыл устата ыытыллыбыт турнир устуоруйатыгар аан бастакытын көбүөргэ кыргыттар тахсыахтара.
Бырабыыталыстыба бэрэссэдээтэлин солбуйааччы Сергей Местников эһиил, 2024 сылга, Роман Дмитриев төрөөбүтэ 75 сааһын бэлиэтиир сылга ыытыллыахтаах өрөспүүбүкэтээҕи тэрээһиннэргэ бэлэмнэнии былаана торумнаммытын иһитиннэрдэ.
Ол курдук, Эдьигээн бөһүөлэгэр Роман Дмитриев аатынан успуорт комплексын тутуохтара, Дьокуускайга 202 микрооройуоҥҥа биэрэк кытыытын тулатын тупсарыахтара, ону таһынан олимпийскай чөмпүйүөн олоҕун, үлэтин туһунан уус-уран киинэни устуохтара. Ону сэргэ, юниордарга көҥүл тустууга улахан турниры ыытыахтара уонна Бүтүн Арассыыйатааҕы «Наука побеждать» диэн Дмитриевскай ааҕыыларга научнай-практическай кэмпириэнсийэ ыытыллыаҕа.
Кулун тутар 10 күнүттэн «Триумф» успуорт уораҕайыгар 2003-2005 сыллаах төрүөх уоллаттарга уонна кыргыттарга олимпийскай чөмпүйүөн Роман Дмитриев сырдык кэриэһигэр уонна Саха сиригэр физкультурнай хамсааһын 100 сылыгар анаммыт турнир саҕаланыаҕа.
Соторутааҕыта Дьокуускайга оҕолорго уонна ыччаттарга I өрөспүүбүлүкэтээҕи төрүт култуураҕа чөмпүйэнээт буолан ааста. Төрүт сахалыы эйгэни…
Маны таһынан тустууга киһи ис күүһэ улахан оруоллаах. Бу, дьиҥэр, үөрэтиллибэтэх эйгэ. Биирдэ өрдөөҕүтэ биир…
Биллиилээх суруйааччы, суруналыыс, Аҕа дойду Улуу сэриитин кыттыылааҕа, танкист, Албан аат III истиэпэннээх уордьан, бойобуой…
Бүлүү улууһун баһылыга С.Н.Винокуров, улуус дьокутааттарын бэрэссэдээтэлэ Г.С. Корякин салалталарынан улуус нэһилиэгин дьокутааттара СӨ муниципальнай…
РФ Бырабыыталыстыбатыгар "Уһук Илин сулуһа" уопсастыбаннай-дьыалабыай бириэмийэни туттарыы үөрүүлээх тэрээһинэ буолла. "Гектар Победы" номинация кыайыылааҕынан…
Бытарҕан тымныыга быычыкаайык чыычаахтар тоҥмокко, ас көрдөөн букунайалларын көрөн, аһына саныыбын. Хайдах тоҥон, үлүйэн хаалбаттара…