Олимпийскай чөмпүйүөннэр V кыһыҥҥы спартакиадаҕа кэллилэр

Саха сирин  спорт кыһыҥҥы көрүҥнэригэр V спартакиадаҕа  олимпийскай чөмпүйүөн,  Арассыыйа спордун маастара, хайыһардьыт  Никита Крюков уонна икки төгүллээх олимпийскай чөмпүйүөн, Арассыыйа спордун үтүөлээх маастара,  биатлонистка Ольга Зайцева бүгүн Нерюнгригэ кэллилэр.

Ольга Зайцева уонна Никита  Крюков  V кыһыҥҥы спартакиада амбассадордарынан буолаллар. Кинилэри бүгүн Нерюнгри пуордугар оройуон баһылыгын солбуйааччы  Ольга Игнатенко уонна «Алдан» олимпийскай эрэллэри бэлэмниир оскуола дириэктэрэ  Максим Скупой көрүстүлэр.

«Алдан» олимпийскай эрэллэри бэлэмниир оскуола пресс-сулууспата иһитиннэрбитинэн, ыҥырыылаах ыалдьыттар бүгүн  Нерюнгри  оройуонун баһылыга Роман  Щегельнягы уонна оройуон спортивнай уопсастыбаннаһын, кыттааччылары  кытары көрсүөхтэрэ.