Хаартыска: Саха сирэ
Быйыл Францияҕа Париж куоракка от ыйын 26 — атырдьых ыйын 11 күннэригэр ыытыллар XXXIII сайыҥҥы Олимпийскай оонньууларга мэтээл иһин Сардаана Трофимова, Виктор Рассадин, Айаал Лазарев, Владимир Егоров уонна Георгий Окороков киирсиэхтэрэ. Ити курдук устуоруйаҕа аан бастакытын Саха сириттэн биэс спортсменнар сайыҥҥы Олимпийскай оонньууларга кыттар чиэскэ тигистилэр.
33 төгүлүн ыытыллар Олимпийскай оонньуулар от ыйын 26 күнүттэн саҕаланыахтара. Санаттахха, быйылгы оонньууларга биэс саха спортсмена путевка ылары ситиспитэ. Уолаттар көбүөргэ атырдьах ыйын 8-10 күннэригэр тахсыахтара, оттон Сардаана Трофимова Елисей хонууларынан марафоҥҥа Олимпиада бүтэһик күнүгэр, атырдьах ыйын 11 күнүгэр, сүүрүөҕэ.
Чэпчэки атлетикаҕа саха спортсмена Үөһээ Бүлүүттэн төрүттээх Сардаана Трофимова Парижка Кыргызстан Өрөспүүбүлүкэтин сүүмэрдэммит хамаандатын састаабыгар кыттар, билигин Кисловодск куоракка бэлэмнэнэ сылдьар. Сардаана күрэхтэһиигэ үчүгэйдик кыттар санаалаах уонна кыайыыны бигэ ситиһэргэ эрэллээх.«Билигин көннөрү күрэхтэһии буоларын курдук саныы сатыыбын. Сотору Олимпийскай оонньуулар буолуохтара диэн мэлдьи саныыр, толкуйдуур буоллахха, киһи уйулҕатыгар улахан ноҕурууска буолара биллэр», — диэн Сардаана эттэ.
Оттон саха тустууга, Үөһээ Бүлүү уола Айаал Лазарев Олимпийскай көбүөргэ устуоруйаҕа аан бастакытын тахсыаҕа. Кини иннинэ тустууга саха спортсмена 1980 сыллаахха Москваҕа, 1972 сыллаахха Мюнхеҥҥа олимпийскай чөмпүйүөн уонна 1976 сыллаахха Монреальга үрүҥ көмүс призера Роман Дмитриев кыттыбыта. Билигин Айаал Лазарев кыттар уочарата кэллэ. Бу иннинэ Рио-де-Жанейроҕа уонна Токиоҕа ситиһиини аҕалбатаҕа.
Мэтээл ылары ситиһиэн сөптөөх Арассыыйа уонна Европа чөмпүйэнээттэрин хас да төгүллээх призера, Уус Алдан бөҕөһө Арыйаан Тютрин Беларусь сүүмэрдэммит хамаандатын састаабыгар күрэхтэһиэҕэ. Ону сэргэ путевканы ылары ситиспит саха спортсмена, Амма уола Владимир Егоров көбүөргэ Хотугу Македония аатыттан тахсыаҕа. Виктор Рассадин путевканы ыларга эмиэ элбэх тургутууну ааспыта. Кини 57 киилэҕэ диэри чэпчэки ыйааһыннахтар тустууктарын ортолоругар хас да төгүллээх Арассыыйа чөмпүйэнээтин призера уонна аан дойду Куубагын хаһаайына буолбута. Оттон быйыл Парижка ыытыллар Олимпиадаҕа Орто Халыма тустууга Виктор Рассадин саамай элбэх кыттааччылаах 74 киилэҕэ Таджикистан сүүмэрдэммит хамаандатын састаабыгар туруоҕа. Бу иннинэ кини Ярыгин аатынан Гран-прины ылбыта уонна Парижка кытаанах киирсиилээх квалификационнай турниры ааспыта. Маны сэргэ саха тустууга, Амма бөҕөһө Георгий Окороков Олимпийскай оонньууларга Австралия сүүмэрдэммит хамаандатыгар кыттыаҕа. Спорстменнарга ситиһиилэри баҕарабыт!
Санатар буоллахха, Арассыыйа сүүмэрдэммит хамаандатын тустууктара бу күннэргэ Олимпийскай оонньууларга кыттартан аккаастаммыттара. Парижка Арассыыйаттан «нейтральнай» ыстаатыстаах 15 спортсмен кыттара күүтүллэр.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…