Олоҕун толук уурбут Петр Киприяновы Арассыыйа Дьоруойугар түһэрдилэр

Былырыын балаҕан ыйын 28 күнүгэр Хаҥалас улууһуттан Петр Александрович Киприянов (1985 с.т.) байыаннай дьайыы зонатыгар олоҕун толук уурбута. Кини V Илиҥҥи 68-с армейскай куорпуһун байыаһа этэ. Бу туһунан yakutia-daily.ru суруйар.

Миинэҕэ эстэн контузия ылбытын үрдүнэн, «Монгол» диэн позывнойдаах Петр Киприянов уолуйбакка штурмалыыр бөлөҕү хамаандалаабыта. Байыас хорсун уонна дьоруойдуу быһыытын иһин «Хорсун быһыы» уордьанынан наҕараадаламмыта, ол кэннэ 2024 сыл ахсынньы 29 күнүгэр Арассыыйа Дьоруойун аатын иҥэриигэ түһэриллибитэ.