Олох хаачыстыбата — уһун үйэлэнии

Кэпсэтиигэ Ил Дархан олох сайдарыгар, тупсарыгар улахан болҕомто уурулларын, үлэ-хамнас онно эмиэ  туһаайылларын бэлиэтээн эттэ. Ол курдук кини чэгиэн доруобуйаланыы, уһун үйэлэнии боппуруоһугар тохтоото. Дьон-сэргэ кырдьар саастарыгар этэҥҥэ чэгиэн буолуохтаахтарын туһугар кы7амньы уурулларын эттэ. Киһи бэйэтэ олохтон дуоһуйууну ыларын сэргэ, чугас дьонноругар көмөлөһөрө, үөрэ-көтө чэгиэнник сылдьара эдэрдэргэ холобур буолуон сөбүн ыйда. Манна даҕатан кини бырайыак баар буолуоҕун иһитиннэрдэ. Салгыы «Продолжительная и активная жизнь» бырайыак дьоҕус куораттарга уонна тыа сирдэригэр тиийэ барыаҕын, үлэлиэҕин этэр. Итиэннэ улахан да куораттары сэргэ, кыра нэһилиэктэргэ тиийэ далааһыннаах хамсааһыннар буолуохтарын, онтон туора туруу суох буолуоҕун бэлиэтиир.