Хаартыска: ааптар тиксэриитэ
Кулун тутарга “Комдрагметалл” саалатыгар турбут “Далбар Хотун” сурунаал отут сыллаах үлэтин хаартысканан кэпсиир “Олох ойуута” быыстапка элбэх киһи болҕомтотун тарта. Үс нэдиэлэ устата аһаҕас турбут быыстапканы 500-н тахса киһи көрбүтүттэн биһиги, тэрийээччилэр, сүргэбит көтөҕүллэр.
Быыстапка аһыллыытыгар сурунаалы төрүттээбит, атаҕар турарыгар быһаччы көмөлөөх буолбут дьоммут кэлэн, быыстапканы үрдүктүк сыаналаабыттара. Биллэн турар, 100-чэкэ хаартыскаҕа сурунаал матырыйаалын батарбаккын, ол иһин, сүрүн рубрикаларга араас сылга тахсыбыт сэдэх чахчылаах, дьылҕалаах дьону арыйбыт суруйуулары таһаарбыппыт. Сүрүнэ диэн, аныгы кэм сиэринэн куйаар куодтаах хаартыскаларга төлөппүөнү даҕайдахха сурунаал саайтыгар киирэн, ол сурунаал нүөмэрин бүтүннүү арыйталаан ааҕыахха сөп. Горнайтан бүтүн оптуобуһунан анаан-минээн кэлбит дьон дьиэлэригэр иҥэн-тоҥон ааҕаары куйаар куодтары хаартыскаҕа түһэрэн илдьэ барбыттарын биһириибин.
Быыстапкабытыгар дьон болҕомтотун тардаары араас тэрээһини ыыттыбыт. Дьоруойдабытын кытта көрсүһүүлэр, маастар-кылаастар, идэлээх дьон сүбэлэрэ, айар киэһэлэр…
Дьон-сэргэ болҕомтотун тардыбыт быыстапкабыт бастакы эрэдээктэрбит Наталья Харлампьева айар киэһэтинэн түмүктэммитэ ураты суолталаммыта.
Быыстапкабыт үлэтэ, тэрээһиннэрэ күннэтэ куйаар ситимигэр тахса турдулар. Түгэнинэн туһанан быыстапканы оҥорбут, күннэтэ ыалдьыттардыын алтыспыт эрэдээксийэбит айар үлэһиттэригэр Гаврил Поповка, Юлия Пестряковаҕа, Сардаана Кузьминаҕа, Венера Охлопковаҕа, “Сахабэчээт” рекламаҕа отделын салайааччытыгар Анна Поповаҕа, исписэлииһигэр Валентина Дедюкинаҕа, программист Дмитрий Елегяевка истиҥ махталбын биллэрэбин.
“Далбар Хотун” Олоҕун ойуута мэлдьи кэрэ, үтүө, сырдык буола турдун!
Айталина НИКИФОРОВА, сурунаал сүрүн эрэдээктэрэ
Бүгүн, балаҕан ыйын 1 күнүгэр, онлайн-биктэриинэҕэ — Бүтүн Арассыыйатааҕы «Мой Дальний» видео-эссе куонкуруска кыттарга регистрацияланыы…
Бу сүбэ хаһаайкаларга туһалыыра саарбахтаммат. Сорох ыаллар, ордук элбэх кыбартыыралаах дьиэлэргэ олорор дьон, сөп-сөп таракааны…
Бырагыраама иһинэн исписэлиистэргэ биир кэмнээх төлөбүр көрүллэр. Дойду үрдүнэн «Физическэй култуураны уонна спорду сайыннарыы» судаарыстыбаннай…
Ааспыкка улахан убайбыт Улахан Сахаар туһунан ахтан санаан ааспытым. Билигин Аччыгый Сахаар туһунан кэпсиэхпин баҕарабын.…
Илиҥҥи экэнэмиичэскэй пуорумҥа (ИЭП) Саха Өрөспүүбүлүкэтэ уонча сыл устатыгар 200-тэн тахса сөбүлэһиини түһэристэ. Олору олоххо…
Аһыырбытыгар сыһыаннаах сиэр-туом туһунан билэҕин, истибитиҥ дуо? Тугу билиэхтээх, тутуһуохтаах эбиппитий? Айыы үөрэҕэ тугу этэрий,…