«Олох туһугар хорсун быһыы» — Саха сирин эмчиттэрэ кинигэҕэ үйэтитилиннилэр

Саха сирин мэдиссиинэтин үлэһиттэрэ  Аҕа дойду Улуу сэриитигэр Кыайыы 80 сылыгар аналлаах “Подвиг во имя жизни” (“Олох туһугар хорсун быһыы”)  бастакы кинигэ дьоруойдарынан буоллулар. СӨ Доруобуйа харыстабылын миниистирэ Елена Афанасьева:

“Саха сирин доруобуйатын харыстабылын устуоруйата, ордук сэрии сылларынааҕы, хорсун быһыы, бэйэ олоҕун толук ууруу  чаҕылхай холобурдарынан толору.  Уустук да балаһыанньаҕа ытык иэстэригэр бэриниилээх хаалбыт   дьон аата үйэлэргэ хаалыахтаах! Кинилэр холобурдарыгар эмчиттэр аҥа көлүөнэлэрин иитиллиэхтээх.

Кинигэ  хомуйан оҥорбуттарга уонна бэтэрээннэр сэбиэттэрин бэрэссэдээтэлэ, 2003-2010 сылларга СӨ Доруобуйа харыстыбылын миниистиринэн үлэлээбит   Вячеслав Лаврентьевич Александровка, сэбиэт чилиэннэрэ  Валериан Парфеньевич Николаевка, Семен Семенович Аргуновка, Пантелеймон Александрович Семеновка, Леонид Федорович Тимофеевка, Елена Валерьевна Воробьеваҕа бу тугунан да сыаналаммат улахан үлэлэрин иһин махтанабын. Эһиги көҕүлээһиҥҥитинэн маннык дьикти үчүгэй кинигэ – архыып уонна устуоруйа матырыйаалларынан хомуурунньук бэчээттэнэн таҕыста”, — диэн махталын эттэ.