«Олоххо-дьаһахха инфраструктура» национальнай бырайыак олоххо кииирэр

Федеральнай суол үлэһиттэрэ Алдан куоратыгар «Олоххо-дьаһахха инфраструктура» национальнай бырайыагы олоххо киллэрии хаамыытын хонтуруоллууллар.

«Лена» федеральнай суол управлениета «Куттала суох хаачыстыбалаах суоллар» национальнай бырайыак салҕыыта буолбут «Олоххо-дьаһахха инфраструктура» национальнай бырайыагы олоххо киллэрии чэрчитинэн Алдан уулуссаларыгар өрөмүөн үлэтин хаамыытын хонтуруоллууллар.

Федеральнай суол үлэһиттэрэ Западнай, Красноармейскай, Есенин, Хвойнай, Олимпийскай уулуссаларга ыытыллар үлэни олоххо киллэриигэ, тутууну хааччыйыыга уонна хаачыстыбалаахтык толорууга лабораторнай хонтуруоллааһыҥҥа бэйэлэрин сүбэлэрин биэрдилэр.

Санатан эттэххэ, «Олоххо-дьаһахха инфраструктура» национальнай бырайыак чэрчитинэн 2030 сылга диэри федеральнай суоллар 85 %, атын суол ситимнэрэ, ону тэҥэ эрэгийиэннээҕи суоллар 60 % нуормаҕа эппиэттиир гына оҥоһуллаллара былааннанар диэн «Лена» федеральнай суол управлениетын пресс-сулууспата иһитиннэрэр.