Василий Кононов хаартыската
Ил Түмэн бэһис пленарнай мунньаҕар «Саха Өрөспүүбүлүкэтигэр олохтоох салайыныы туһунан» Саха Өрөспүүбүлүкэтин сокуонугар уларытыылары киллэрэр туһунан» Саха Өрөспүүбүлүкэтин сокуона ылылынна.
Бу сокуон бырайыагын Ил Түмэн дьокутааттара Владимир Прокопьев, Александр Сусоев, Алквиад Тарасов көҕүлээн оҥордулар. Ил Түмэн олохтоох салайыныыга сис кэмитиэтин бэрэссэдээтэлэ Владимир Прокопьев сокуон бырайыагын иккис (бүтэһик) ааҕыыга ылынарга эттэ.
«Саха Өрөспүүбүлүкэтигэр олохтоох бэйэни салайыныы туһунан» сокуонугар уларытыылары киллэрии бырайыага «Арассыыйа Федерациятыгар олохтоох салайыныыны тэрийии уопсай бириинсиптэрин туһунан» Федеральнай сокуоҥҥа уонна «Арассыыйа Федерациятын субъектарыгар аһаҕас былааһы тэрийии уопсай бириинсиптэрин туһунан» Федеральнай сокуоҥҥа сөп түбэһиннэрэн ырытыллан оҥоһулунна.
Федеральнай сокуоҥҥа ааспыт алтынньытыгар уларытыылар киирбиттэрэ. Бу сокуон олохтоох салайыныы уорганнарын үлэлэрин норуоттар икки ардыларынааҕы уонна тас экэнэмиичэскэй сибээстэрин сүрүннээһиҥҥэ туһуланна. Судаарыстыбаннай бэлиитикэни ырытан оҥорууга уонна олоххо киллэриигэ анал үлэни толорууга боломуочуйалаах ситэриилээх былаас боломуочуйалара, олохтоох Арассыыйа субъектарын судаарыстыбаннай былааһын уорганнарын боломуочуйалара, итиэннэ бу эйгэҕэ олохтоох салайыныы уорганнарын боломуочуйалара олохтоннулар.
Бу бырайыагынан «Саха Өрөспүүбүлүкэтигэр олохтоох салайыныы туһунан» Саха Өрөспүүбүлүкэтин сокуонугар олохтоох салайыныы уорганнара норуоттар икки ардыларынааҕы уонна тас экэнэмиичэскэй сибээһи олохтооһуннарын быраап өттүнэн сүрүннээһини көрөр итинник нуорманы олохтуурга этиллэр, оччотугар ыйыллыбыт сибээһи олохтуурга биир тэҥ сыһыан хааччыллыаҕа. Бүгүҥҥү күҥҥэ Россия Федерациятын субъектарын үгүстэригэр олохтоох салайыныы уорганнарын тас экэниэмикэҕэ үлэлэрин боппуруостара ситэ быһаарыллыбакка тураллар.
Дьүүллэһии түмүгүнэн Ил Түмэн дьокутааттара сокуону иккис ааҕыыга ылыннылар.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…