Хаартыска: АЛРОСА пресс-сулууспата
Саха сирин олохтоохторо дьоһуннаах үлэни булар баҕа санаалара туоларыгар АЛРОСА хампаанньа хайыы үйэ бэһис сылын көмөлөһөр.
“Олохтоох каадырдары – бырамыысыланнаска” өрөспүүбүлүкэтээҕи дьоһун суолталаах бырайыак чэрчитинэн бу сылларга Саха сирин 12 тыһыынчаттан тахса олохтооҕо үлэ булла. Онон билигин эрэгийиэҥҥэ үлэни биэрэр сүрүн хампаанньа бу хайысхатынан үлэтин салҕыыр.
АЛРОСА 2018 сылтан Саха сирин нэһилиэнньэтэ дьарыктаах буоларыгар судаарыстыбаннай кэмитиэтин кытары “Олохтоох каадырдары – бырамыысыланнаска” өрөспүүбүлүкэ дьоһун суолталаах бырайыагын олоххо ситиһиилээхтик киллэрэр. Аҥаардас 2022 сылга АЛРОСА бөлөҕөр Саха сирин 4 тыһыынчаттан тахса олохтооҕо үлэҕэ киирдэ. Билигин хампаанньаҕа сайдыы уонна хайа, сир аннынааҕы үлэлэр уонна тыраыныспарынан хааччыйыы хайысхаларынан каадырдары бэлэмнээһин уонна сайыннарыы кэрдииһэ быһаарылынна.
АЛРОСА “Олохтоох каадырдары – бырамыысылыннаска” бырайыага олохтоох нэһилиэнньэттэн үлэҕэ ылбыт дьонун, эдэр каадырдар уонна исписэлиистэр стажировканы барыыларын, дьарыга суох дьону үлэҕэ ылан идэҕэ үөрэтэр дьонун ахсааннарынан инники иһэр.
Билигин АЛРОСА хампаанньаҕа 30 тыһыынчаттан тахса киһи үлэлиир. Кинилэр Уһук Хотугу сир уустук усулуобуйатыгар үтүө суобастаахтык үлэлиир исписэлиистэр”, — диэтэ судаарыстыбаннай былаас уорганнарын кытары үлэҕэ АЛРОСА отделын начаалынньыга Ладимир Аргунов.
Хампаанньа кэскиллээх исписэлиистэри үлэҕэ ылыыны эрэ буолбакка, кинилэргэ сөптөөх хамнаһы биэриини улаханнык суолталыыр. Ол да иһин, АЛРОСА үлэ бакаансыйатын дьаарбаҥкатыгар куруук көхтөөхтүк кыттар уонна сыалын-соругун ситиһэргэ дьулуурдаах уонна көхтөөх саҥа үлэһиттэри бэйэтин кэккэтигэр үөрэ-көтө ылар.
Актыбыыс, спортсмен уонна туйгун исписэлиис Виктор Соколов АЛРОСА-ҕа эрдэттэн үөрэтэн, билэн-көрөн баран кэлбитэ. Киниэхэ дьоһун суолталаах төрүөтүнэн үлэ үчүгэй усулуобуйата уонна үүнэр-сайдар кыах буолбуттара.
Виктор Чурапчы улууһугар төрөөбүтэ, идэтинэн сыаналаах таастары уонна металлары тупсарар технология исписэлииһэ.
«АЛРОСА алмааһы хостооһуҥҥа аан дойдутааҕы хампаанньалар ортолоругар инники кэккэҕэ сылдьар. Мин бу идэни таларбар Саха сирин бырамыысыланнаһын хампаанньата тэтимнээхтик сайдара, бу биһиги ыччаппытыгар кэскиллээх хайысха буолара оруолу оонньообута дии саныыбын. Хампаанньаҕа бигэ турук уонна үүнэр-сайдар кыах баар”, — диир АЛРОСА ЯПТА алмааһы наардааччыта Виктор Соколов.
“Олохтоох каадырдары – бырамыысыланнаска” бырайыак Саха сирин үлэтэ суох дьонун баайдаах сирдэри хостуур улахан тэрилтэлэргэ үлэҕэ ылар сыаллаах-соруктаах салҕыы сайдар. Бу үлэтэ суох буолууга сүрүн оруолу ылар. АЛРОСА курдук үлэни биэрэр улахан тэрилтэ билигин ити соруктары быһаарарга стратегическай партнерунан буолла.
АЛРОСА пресс-сулууспата
Дойдутааҕы МАХ мессенджергэ "Госуслуги. Култуура" диэн кыра сыһыарыы үлэлиир. Кини көмөтүнэн Арассыыйа үрдүнэн араас култуура…
СӨ ИДьМ Хаҥалас улууһунааҕы отделын дьуһуурунай чааһыгар маҕаһыын дьаһалтатын бэрэстэбиитэлэ табаар уонна каассаттан харчы уоруллубутун…
Ахсынньы 19 күнэ -- Кыһыҥҥы Ньукуолун. Кыһыҥҥы Ньукуолуҥҥа үгэс быһыытынан алаадьылыыллар. Бу ыйга дьон үксүгэр…
Арассыыйа Бэрэсидьиэнэ Владимир Путин быһа лииньийэни кытта холбоһуктаах улахан пресс-кэмпириэнсийэтэ бүгүн Москваҕа Гостинай дворга буолуоҕа.…
Быйыл Горнай улууһугар Бэрдьигэстээххэ "Эйэ" түөлбэ тэриллибитэ түөрт сылын туолла. Бу 4 сыл тухары биһиги…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III сийиэһин дэлэгээттэрин ортотугар ыччат дьокутаат элбээн эрэрэ хайҕаллаах…