???????
2023 сылга улуустарга олохтоох көҕүлээһини өйүүр бырагырааманан 25 улууска 300 кэриҥэ бырайыагы олоххо киллэриэхтээхтэр.
Бу толору хааччыллыыга, тупсарыыга, суолу оҥорууга, спорка, оҕо былаһааккаларыгар, гааһынан, уунан, ититиинэн хааччыйыыга, култуураҕа, баһаартан сэрэхтээх буолууга, үөрэҕириигэ, о.д.а. сыһыаннаах бырайыактар.
— Бырагыраама көмөтүнэн олохтоохтор бэйэлэрэ саамай наадалаах бырайыактары талаллар – суолу өрөмүөннээһини, споративнай, оҕо былаһааккаларын тутууну, пааматынньыктары, эбийиэктэри чөлүгэр түһэриини, о.д.а. – диэн Айсен Николаев бэлиэтээн эттэ.
Бырайыактар уопсай суумалара — 805,6 мөлүйүөн солкуобай, эбии үбүлээһин суумата — 244,1 мөлүйүөн солкуобай. Куонкуруска барыта 367 муниципальнай тэриллииттэн 483 сайаапка киирбитэ. Кыайыылаахтары биэдэмистибэлэр икки ардыларынааҕы хамыыһыйа быһаарар.
Холобур, Чурапчы улууһун Толоонугар спортивнай былаһаакканы, Сунтаар Кириэстээҕэр сайыҥҥы уу турбатын тутуохтара, Бүлүү Өкүндүтүгэр мусуойу өрөмүөннээһин, Абый Белая Гора сэлиэнньэтигэр уулуссаны сырдатыы ыытыллыаҕа.
Олохтоох көҕүлээһиннэри өйүүр бырагыраама Саха сиригэр 2017 сылтан үлэлиир. Бу кэм устата 1500-тэн тахса бырайыак олоххо киирдэ.
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…
СӨ Быыһыыр сулууспата иһитиннэрбитинэн, балаҕан ыйын 17 күнүгэр 21.15 ч. Дьокуускай куоракка Сайсары күөлгэ 2000…
Амма сэлиэнньэтигэр Мир уулуссаҕа таба киирэн олохтоохтору соһутта. Туһааннаах видео бу күннэргэ социальнай ситиминэн тарҕанна.