Олохтоох оҥорон таһаарааччылар бородууксуйалара балыыһаҕа сытар буойуттарга тириэрдиллиэ

СӨ Тыа хаһаайыстыбатын министиэристибэтэ  киин куораттарга балыыһаҕа эмтэнэ сылдьар байыастарга  тыа хаһаайыстыбатын оҥорон таһаарааччылар бородууксуйаларынан хааччыйар.

Бу күннэргэ министиэристибэ үлэһиттэрэ олохтоох оҥорон таһаарааччылартан, ол иһигэр  «Эрэл» ТХПК фарш, «Түмэн» ТХПК  халбаһы атыыластылар. Маны таһынан министиэристибэ эр дьонноро 20 киилэ балыгы биэрдидэр.

Оҥорон таһаарааччылар Тыа хаһаайыстыбатын министиэристибэтин көҕүлээһинин өйөөн,  «Якутский скот» тэрилтэ   60 киилэ ынах этин,  «Маалыкай» кэпэрэтиип 10 киилэ убаһа этин, «Кладовая Олекмы» ХЭУо  30 киилэ сыыры,   «Дары крайнего севера» РТПХ  отон утаҕын туттардылар. Онон, уопсайа   170 киилэ бородууктаны  Москваҕа тириэрдилиннэ.