Андрей Сорокин (СИА) хаартыска
Ил Дархан Айсен Николаев Хаҥалас улууһун Төхтүр, Өктөм, Дьэр, Нөмүгү нэһилиэктэригэр уонна Покровскай куоракка «Эркээни хочото» олохтоох оҥорон таһаарыыны сайыннарыыны тэрийэргэ соруйда.
Бу туһунан СӨ Бырабыыталыстыбатын пресс-сулууспата иһитиннэрэр. Хаҥалас оройуонун туһааннаах этиитэ атырдьах ыйын 9 күнүгэр Айсен Николаев бэрэссэдээтэллээх СӨ инвестиционнай кэмитиэтин мунньаҕар көрүлүннэ.
«Мин көҕүлээһимминэн олохтоох оҥорон таһаарыы сайдыытын сирин-уотун тэрийии туһунан сокуон оҥоһуллубута уонна ону Ил Түмэн ылыммыта. Бу сокуон бастатан туран олохтоох оҥорон таһаарыыны сайыннарыыга, тыа хаһаайыстыбатын бородууксуйатын оҥорууга, туризмы сайыннарыыга туһуланар. Кини биһиги оройуоммутугар дьоҕус уонна орто биисинэс анал усулуобуйалаах ураты правовой режим чэрчитинэн нэһилиэнньэ дьарыктаах буолуутун хааччыйарын туһугар оҥоһулунна», – диэн эттэ Айсен Сергеевич.
Хаҥалас улууһун баһылыга Олег Иринеев олоххо киириэхтээх былааннар, бырайыактар тустарынан кэпсээтэ.
Ол курдук саҥа аныгылыы оборудованиелаах тэрилтэлэри: эт аһылыгы оҥорон таһаарар кэмбинээти, эмтээх оттору оҥорон таһаарыынан дьарыктанар тэрилтэни тэрйиэхтэрэ, Орто дойдуга гостиницалары тутуохтара, бэйэтэ сүүрэр тиһиликтээх дьоҕус тырааныспары оҥоруунан дьарыктаныахтара.
СӨ экэниэмикэҕэ министиэристибэтин сыанабылынан, резиденнэр инвестициялара уопсай сууматын кэриҥэ 900 мөл. солк. тэҥнэһэр, манна 100 саҥа үлэ миэстэтэ тэриллэрэ былааннанар.
Саха омук биир сүрүн уратытынан сылгы иитиитэ буолар. Кырдьыга, Дьөһөгөй оҕото сахаҕа аргыс буолан, тыйыс…
Ил Дархан Айсен Николаев бүгүн "Саха сирэ - дьоруойдар дойдулара" каадыр бырагырааматын кыттыылаахтарын кытары көрүстэ.…
Сэтинньи 1 күнүттэн нолуок сулууспата иэстээх дьонтон иэстэрин суукка биэрбэккэ эрэ, быһалыы ылар буолуоҕа. Урут…
Усуйаана улууһугар борокуратуура орооһуутун кэнниттэн, анал байыаннай дьайыы кыттыылааҕын ийэтигэр материальнай көмө оҥоһуллубут. Усуйаана…
Саха сиригэр 2025 сылга 10 уонна онтон элбэх оҕолоох икки ыал дьиэни атыылаһыыга эбэтэр туттууга…
Ленскэйгэ оройуоннааҕы балыыһа санитарката сууттанна. Балаҕан ыйын 16 күнүгэр Ленскэйдээҕи оройуон суутунан, 49 саастаах дьахтар…