Хаартыска: Мария Васильева, СИА.
Соторутааҕыта бэс ыйын 10-11 күннэригэр Ил Түмэн XIII (уочараттаах) пленарнай мунньаҕа буолан ааспыта. Бэбиэскэҕэ барыта 48 боппуруос киирбитэ.
Бу балартан дьон болҕомтотугар сылдьар боппуруоһунан олохтоох бэйэни салайыныы буолар. 33 №-дээх федеральнай сокуон сүрүн балаһыанньалара бэс ыйын 19 күнүттэн үлэҕэ киирэллэр. Онтон 32-с, 37-с, 39-с ыстатыйалара 2027 сыл тохсунньу 1 күнүттэн киириэхтээхтэр. Ити күнтэн ыла сокуон толору күүһүнэн үлэлиир.
Бу федеральнай сокуоҥҥа сөп түбэһиннэрэн, бэйэбит Төрүт сокуоммутугар (Конституциябытыгар) уларытыы киириэхтээх. Төрүт сокуон хамыыһыйата итиннэ элбэх үлэни ыытан, баартыйалары, уопсастыбаннаһы кытта дьүүллэһэн баран Ил Дархан көҕүлээһинин быһыытынан аны күһүн парламент көрүүтүгэр киллэриэхтээх. Ол кэнниттэн Төрүт сокуоҥҥа тустаах уларытыылар киириэхтээхтэр. Аны саҥа федеральнай сокуоҥҥа сөп түбэһиннэрэн, олохтоох салайыныы туһунан өрөспүүбүлүкэтээҕи сокуон барыла оҥоһулла сылдьар. Ол төһө кыалларынан бу сыл бүтүөр диэри ылыллыахтаах. Оччотугар олохтоох салайыныы уорганнара бэйэлэрин Устааптарыгар кэккэ уларытыылары киллэрэллэригэр биир сыл баар буолар.
Оттон олохтоох салайыныы улуустааҕы уонна нэһилиэктээҕи таһымнаах тиһиктэрэ оннунан хаалаллар.
Араас бырагыраама элбэх, сатаан туһаныахха наада
Нам улууһун Хамаҕатта нэһилиэгэр (баһылык Евгений Ушницкай) олохтоох дьаһалта сүүрэн-көтөн, аныгы бырагыраамаларга хорсуннук киирэн кыттан иһэллэрин түмүгэр үлэ-хамнас оргуйан олорор.
Баһылык солбуйааччыта Владилен Москвитин кэпсээбитинэн, иллэрээ сыл “Тыа сирин кэлимник сайыннарыы” нацбырайыакка баттаһан киирэннэр, 66 учаастагы тыыраннар суола-ииһэ барыта учуоттаммыт саҥа түөлбэ тутулла турар.
“Былырыын улууска халаан уутугар барбыт дьоҥҥо көмөлөһөр сыалтан “Комплексная застройка сельских поселений” бырагырааманан инженернэй гаастааһыҥҥа киирсэн, 43 учаастакка гаас киллэттэрбиппит, — диэн кэпсиир баһылык солбуйааччыта. – Аны “Куорат табыгастаах эйгэтин оҥоруу” нацбырайыагын куонкурсугар кыайан, Ыччат аллеятын оҥоро сылдьабыт. Быйыл футбольнай былаһааккаҕа киирсэ сылдьабыт, билиҥҥитэ куоластааһыны аастыбыт”.
Эдэр баһылыктар үлэлэрэ манан эрэ бүппэт. Олохтоох көҕүлээһиннэри өйүүр бырагыраама (ППМИ) куонкурустарыгар сыл аайы кытталлар. Былырыын каток тутуллубут, быйыл ыһыахтыыр сир трибуната саҥаттан оҥоһуллуохтаах.
1889 сыллаахха 1 Нөөрүктээйи нэһилиэгин бочуоттаах инородеһа, биллиилээх меценат Степан Идельгин үбүнэн Өлүөхүмэ улууһун 1…
Покровскайга Оҕо-ыччат успуордун оскуолата 1975 сыллаахха төрүттэммитэ. Оттон уус-уран гимнастика салаата манна 2021 сыллаахха арыллыбыта.…
Суут приставтарын федеральнай сулууспатын Дьокуускай куораттааҕы уонна Сунтаар улууһунааҕы управлениелара 280 тыһыынча солкуобайдаах иэһи төнүннэриигэ…
Дьоллоох Дьокуускай куораттан ахсынньы аан туманын хайа тыыран, ахсым-дохсун тимир көлөлөр мөҥүрүөннэр түөлбэлээн олорор Матта…
Дьокуускайга муниципальнай тэриллиилэр бэрэстэбиитэллээх уорганнарын дьокутааттарын үһүс сийиэһэ буола турар. “Муниципалитеты 2.0: ИИ как драйвер…
СӨ Идэлээх сойуустарын үлэ быраабыгар иниспиэксийэтин салайааччы, СӨ үтүөлээх юриһа Наталья Ивановна Барковская ыйытыыга эппиэттиир. …