Олохтоох табаары оҥорон таһаарааччылар быыстапкаларыгар ыҥыраллар

Урбаан, атыы-эргиэн уонна туризм министиэристибэтэ уонна “Мин биисинэһим” киин Дьокуускай олохтоохторун уонна ыалдьыттарын «Бизнес-экспо 2024» үгэс буолбут өрөспүүбүлүкэтээҕи ураты быыстапкаҕа ыҥыраллар.

Быыстапка соруга – олохтоох бородууксуйаны тарҕатыы, сайыннарыы, ону таһынан тэрилтэлэр уонна тэрилтэлэр дьыалабыай уонна атыы-эргиэн сыһыаннарын кэҥэтии буолар. Быыстапкаҕа өрөспүүбүлүкэ бары муннуктарыттан бастыҥ оҥоһуктар: араас киэргэл, сувенирдар, бэйэ бородууксуйата, аныгы уонна классическай таҥас-сап уо.д.а. Тэрээһиҥҥэ дизайнердар муода көрдөрүөхтэрэ, араас маастар-кылаастар, шеф-асчыттар астарын амсайыы, кэрэхсэбиллээх куонкурустар, аахсыйалар ыытыллыахтара. Быыстапка ахсынньы 12-13 күннэригэр  10:00 чаастан 19:00 чааска диэри “Кыайыы 50 сыла” успуорт дыбарыаһыгар ыытыллыаҕа. Тэрээһин Арассыыйа бэрэсидьиэнэ Владимир Путин көҕүлээһининэн ыытыллар “Аччыгый уонна дьоҕус урбаан уонна биирдиилээн урбаанньыттары өйөөһүн” национальнай бырайыак чэрчитинэн ыытыллар.