Олохтоохтор түмсүүлээх үлэлэрэ кыайыыга туһуланар

Чурапчы улууһугар  байыаннай дьайыыга сылдьар биир дойдулаахтарыгар көмөнү оҥорон ыытыы тиһигин быспат.

— Чакыртан Оконешникова Прасковья Васильевна көҕүлээһининэн олохтоохтор кулуупка оҕолуун кырдьаҕастыын мустаннар, буойуттарга анаан икки маскировочнай сетканы баайдылар. Бу күһүҥҥэттэн кинилэр уопсайа 6 сетканы оҥорбуттара, эрдэ 4 оҥорон ыыппыттара. Олохтоохтор биир санаалаах, түмсүүлээх үлэлэрэ кыайыыга туһуланар, — диэн улуус баһылыга Степан Саргыдаев телеграмҥа ханаалыгар суруйда.