https://t.me/ValeriNikolaev
СӨ Бырабыыталыстыбатын 2025 сыллааҕы үлэтин отчуоттуур сүбэ мунньаҕа Үөһээ Бүлүү нэһилиэгэр ыытылынна. Мунньаҕы СӨ Бырабыыталыстыбатын Бэрэссэдээтэлин бастакы солбуйааччыта Дьулустан Борисов иилээн-саҕалаан ыытта.
Дьулустан Анатольевич мунньах саҕаланыыта наҕараадалары туттартаата. Ол курдук, Федоров Сергей Иннокентьевичка «Арассыыйа Бочуоттаах донора» бэлиэни, Кутугутов Семен Михайловичка «СӨ Доруобуйа харыстабылын Бочуоттаах бэтэрээнэ» аатын, Прокопьева Мария Николаевнаҕа «СӨ Доруобуйа харыстабылын туйгуна» бэлиэни уо.д.а. туттарбытын туһунан улуус баһылыга Валерий Николаев иһитиннэрдэ.
Мунньахха биир бастакынан Тамалакаан нэһилиэгин баһылыга Иванов Петр Прокопьевич 2027 сылга култуура киинин тутуутун туруоруста.
Оҕолору саха тылынан үөрэтии туһунан ыйытыыга СӨ Үөрэҕин миниистирэ Нюргуна Афанасьевна Соколова былырыын ведомственнай бырайыак оҥоһуллубутун, ол курдук саха тылынан үөрэтиигэ кэтээн көрүү баарын эттэ. Ону тэҥэ, саха тылынан бырагыраамалаах кинигэлэр федеральнай экспертизаны ааһан баран бэчээккэ тахсыахтара диэн быһаарда.
Октябрьскай уулуссаҕа уот барара элбээбитин, дизель тыаһа олус улаханын уонна чугас олорор дьоннор эрэйи көрөллөрүн туһунан боппуруос эмиэ көтөҕүлүннэ. Бу боппуруос боротокуолга киирэн үлэ ыытыллыаҕа.
Туобуйа уонна Үөдүгэй нэһилиэктэрин баһылыктара Лазарев Григорий Григорьевич уонна Иванов Альберт Юрьевич нэһилиэктэрин туһугар араас хайысхалаах боппуруостары көтөхтүлэр.
Олохтоохтор үөрэх, хамнас, ОДьКХ, интэриниэт, уот тарибын, босхо эмп, нефроклиника, водопровод уо.д.а. боппуруостары көтөхтүлэр. Бу бары этиилэр боротокуолга киирэн, салгыы үлэҕэ ылылыннылар.
Олунньу 9-12 күннэригэр ыытыллыбыт Саха Өрөспүүбүлүкэтин ситэриилээх былааһын отчуоттуур мунньахтара улууспут бары нэһилиэктэрин таарыйан ыытылынна диэн баһылык Валерий Николаев телеграмҥа ханаалыгар иһитиннэрдэ.
Суут бириистэптэрин Дьокуускай куораттааҕы отделениета 300-тэн тахса тыһыынча суумаҕа оҥоһуллубут хоромньуну ирдиир туһунан быһаарыыны таһаарда.…
“Госуслуга” биир кэлим порталыгар бэйэҥ иэскин эрэ буолбакка, атын дьон эбэтэр тэрилтэлэр иэстэрин бэрэбиэркэлиир өҥө…
Дьааҥы улуустарын икки ардыларынааҕы борокуратуурата Адыаччы нэһилиэгин бэрэстэбиитэллээх уорганын дьокутааттарыттан биирдэстэригэр буруйдааһын түмүгүн бигэргэттэ. Кини…
Бүгүн, олунньу 12 күнүгэр, Саха Өрөспүүбүлүкэтигэр биллэриллибит Култуура сылын сырдатыыга, тэрийсиигэ аналлаах “төгүрүк остуол” суруналыыстары…
Ханнык баҕарар омук бу сиргэ сиик курдук симэлийэн хаалбатын туһугар, хараҕын харатын кэриэтэ харыстыахтаах сүрүн…
Байыаннай дьайыы ыытыллар сиригэр Саха сирин тирэх пуунун үлэһиттэрэ биир нэдиэлэ иһигэр өрөспүүбүлүкэттэн сылдьар байыаннай…