Олоҥхо тоҕо үйэттэн-үйэҕэ бэриллэн иһэрий? Кини кэрэ, сырдык идеята уонна уус-уран тылын күүһэ норуоту, ыччаты, дьону угуйар кыахтаах. “Олоҥхо-батл” эдэр олоҥхоһуттар талааннарын, дьоҕурдарын көрөөччү киэҥ дьүүлүгэр таһаарар, бу уустук жанр аныгы кэми кытта сатаан дьүөрэлэһэр кыахтааҕын, сайдар кэскиллээҕин арыйар, дакаастыыр биир бастыҥ бырайыагынан буолла.
Балаҕан ыйын 23 күнүттэн Саха телевидениетигэр “Олонхо-батл” Өрөспүүбүлүкэтээҕи күрэх түһүлгэтэ саҕаланна. Күрэх “Саха Өрөспүүбүкэтигэр 2020-2024 сылларга судаарыстыбаннай уонна официальнай тыллары харыстыыр уонна сайыннарар” судаарыстыбаннай бырагыраама чэрчитинэн тэриллэн ыытыллар. Эдэр олоҥхоһуттары киэҥ эйгэҕэ таһаарар, ааттыыр-суоллуур сыаллаах бырайыагы бырабыыталыстыба бэрэссэдээтэлин солбуйааччы Сергей Местников көҕүлээн иккис сылын Саха НКИХ ханаалыгар аһаҕас эпииргэ көрдөрөр. Бу дьоһун бырайыагы СӨ тас сыһыаннаһыыларыгар уонна норуоттар дьыалаларыгар министиэристибэтэ уонна Өксөкүлээх Өлөксөй аатынан Норуоттар доҕордоһууларын дьиэтэ өйөөн үп-харчы көрүллэр.
“Олоҥхо-батл” күрэх эдэр олоҥхоһуттар таһымнарын, төһө бэлэмнээхтэрин, тылларын-өстөрүн, билиилэрин-көрүүлэрин тургутар. Ыытааччылар Альберт Капрынов уонна былырыыҥҥы “Олоҥхо-батл” күрэх муҥутуур кыайыылааҕа Анастасия Алексеева. Анастасия олоҥхону ыччат ылынарын, үөрэтэрин, олоҥхолуон баҕарар санаата күүстээҕин дакаастаан турар.
Биэс биэрии устата аһаҕас эпииргэ норуот тылынан уус-уран баайын, сүөгэйин-сүмэтин истиэххит уонна киирсиилэри көрүөххүт. Күрэххэ Өрөспүүбүлүкэ араас улууһуттан 10 толорооччу кытта сылдьар — Арчыман Номоҕон (Таатта), Айта Васильева (Мэҥэ-Хаҥалас), Михаил Шамаев (Бүлүү), Спиридианна Николаева (Үөһээ Бүлүү), Станислав Иванов (Мэҥэ-Хаҥалас), Диана Петухова (Уус-Алдан), Александр Ефремов (Амма), Сандал Прокопьев (Бүлүү), Анна Кириллина (Амма), Альберт Шестаков (Таатта). Кыайыылаах 500 тыһыынча солкуобайы, оттон “Көрөөччү биһирэбилэ” анал аат хаһаайына 100 тыһыынча солкуобайы уу харчынан ылыахтара.
Саха тылын сүөгэйин-сүмэтин , баай тыллаах олоҥхобутун эккитигэр-хааҥҥытыгар иҥэринэ “Олоҥхо-батл” күрэҕи алтынньы 21 диэри хас субуота ахсын Саха НКИХ ханаалыгар киэьээ 7 чаастан сэргээн көрүҥ, дуоһуйа сынньаныҥ.
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…
Амма улууһун ИДьМ отделениетын үлэһиттэрэ үгэс быһыытынан «Полицейский Дед Мороз» диэн Бүтүн Арассыыйатааҕы аахсыйаҕа кыттыстылар.…
Үөһээ Бүлүү улууһугар 2025 сылга байыаннай дьайыы кыттыылаахтарыгар уонна кинилэр дьиэ кэргэттэригэр көмө оҥоруу бүттүүн…
Ньурба улууһун Чуукаар сэлиэнньэтигэр сүппүт 1955 с.т. дьахтары быыһааччылар уонна олохтоохтор көрдүүллэр, диэн Саха сиринээҕи…
В. П. Ларионов аатынан физика-тиэхиньикэ лиссиэйин саха тылын, литэрэтиирэтин учуутала, СӨ үөрэҕин туйгуна, “Саха тылын, литэрэтиирэтин бастыҥ…