Хаартыска: ааптар тиксэриилэрэ
Харбалаахтааҕы үөрэхтээһин холбоһугар Олоҥхо декадатыгар аналлаах тэрээһиннэр былаан быһыытынан ыытылла тураллар. Үөрэнээччилэр олоҥхо дьыктаанын бары ситиһиилээхтик суруйдулар, өрөспүүбүлүкэтээҕи тургутукка кыттан, туоһу сурук ыллылар.
Бүгүн лиссиэй бөлөхтөрүн устудьуоннарыгар сонун күн буолан ааста.
Олоҥхо декадатын чэрчитинэн, лиссиэйгэ Харбалаахтааҕы ускуустуба оскуолатын уҺуйааччыта Айаал Никитич Быгынанов кэлэн, устудьуоннарга олоҥхо туһунан кэпсээтэ, олоҥхоттон быһа тардан толордо, норуот ырыатын ыллаан-туойан, сэргэхситэн барда. Эдэр киһи сиэринэн устудьуоннар интэриэстэрин тардан, көхтөөх ытыс тыаһынан биһирэннэ.
Онтон оскуола аактабай саалатыгар саха тылын учуутала Варвара Павловна Трофимова олоҥхону билэргэ умсугутар «Бэйэ оонньуутун» орто сүһүөх кылаас үөрэнээччилэригэр тэрийэн ыытта. Оҕолор элбэх саҥаны билэн, астынан тарҕастылар. Салгыы күргүөмүнэн олоҥхону толорууга бэлэмнэнии күн аайы ыытыллар.
Устудьуоннар олоҥхо дьыктаанын суруйуохтара.
Ити курдук, саха норуотун тылынан чыпчаал айымньыта кэрэни кэрэхсииргэ угуйар, элбэҕи билэргэ-көрөргө дьулуһууну үөскэтэр.
Валентина КРИВОШАПКИНА, Харбалаах, Таатта
Өрөспүүбүлүкэтээҕи харах килиниичэскэй балыыһатын кылаабынай бырааһа Иван Луцкан Арассыыйа Бэрэсидьиэнин Ыйааҕынан Пирогов уордьанын ылар чиэскэ…
Үөрэх уонна билим миниистирэ Нюргуна Соколова суруналыыстары кытта көрсөн ааһан эрэр сыл барыллаан түмүгүн кэпсээтэ,…
Дьокуускайга "Дохсун" успуорт комплексыгар СӨ физическэй култууратын уонна успуордун министиэристибэтин түмүктүүр тэрээһиннэрэ саҕаланнылар. Ону сэргэ,…
Сааһырбыт киһи доруобуйатын күннэтэ көрүнэр, чэбдигирдэр буоллаҕына, уһуннук доруобай, чөл туруктаах сылдьыан сөп. Сааһырбат дьоҥҥо…
Кини граҥҥа киирсиитэ бу бастакы сырыыта буолбатах. Ол курдук, СӨ Тыатын хаһаайыстыбатын уонна ас-үөл бэлиитикэтин…
“Уһук Илин сулуһа” (“Звезда Дальнего Востока”) сыллата ыытыллар уопсастыбаннай-дьыалабыай бириэмийэҕэ Уһук Илиҥҥэ уонна Арктикаҕа олоххо…