Хаартыска: Александра Лазукина тиксэриитэ.
Бэс ыйын ортотуттан от ыйын саҥатыгар диэри “Дьиэ кэргэн” национальнай бырайыак “Дьиэ кэргэн сыаннастара уонна култуурунай инфраструктура” федеральнай бырайыагын чэрчитинэн Арассыыйа култууратын пуондатын гранын туһанан “Тыыннаах куораттар” сойуус Саха сиригэр далааһыннаах тэрээһиннэри ыытаары бэлэмниир.
Бу туһунан бырайыак салайааччыта, “Живые города” сойуус бэрэссэдээтэлэ Александра Лазукина маннык сырдатта:
— Саха сирэ XXI үйэҕэ Арктика култууратын киининэн буолла. Хотугу сир аҕыйах ахсааннаах норуоттарыгар, Русскай Устье олохтоохторугар, өрөспүүбүлүкэ хотугу улуустарыгар норуот төрүт үгэһэ өбүгэ саҕаттан үйэтитиллэн кэллэ. «Олонхо дойдутугар нуучча ырыата» суолталаах бырайыак бэс ыйын 23 күнүттэн от ыйын 7 күнүгэр диэри ыытыллыаҕа. 13 күн устата Дьокуускай уонна куорат аттынааҕы бөһүөлэктэргэ, Намҥа, Алдан уонна Нерюнгри оройуоннарын олохтоохторугар 10 кэнсиэри уонна 6 маастар-кылаастары көрдөрүөхтэрэ. Кыттыыны ылыахтара: Олег Цыбулько — Большой Тыйаатыр солиһа, В.С. Попов аатынан Хор ускуустубатын Академиятын доцена, Арассыыйа уонна норуоттар икки ардыларынааҕы куонкурустар лауреаттара, искусствоведение наукатын хандьыдаата Галина Марфина салайар Ю. Башмет аатынан «НОВАЯ РОССИЯ» судаарыстыбаннай симфоническай оркестр. Маны таһынан, олохтоох уус-уран айар кэлэктииптэр кыттыыны ылыахтара.
Саха сирэ, төһө да национальнай өрөспүүбүлүкэ буоллар, нуучча ырыатыгар ытыктабыллаахтык, тапталлаахтык сыһыаннаһан, эрэгийиэн култуурунай нэһилиэстибэтин быстыспат сорҕотунан буолар. Бырайыак Саха сирин арктическай култууратын кытта ситимнэһэн, Саха сирин этническэй култууратын сомоҕолуур тирэҕинэн буолар. Дьиэ кэргэн сыаннастарын харыстыырга уонна өйүүргэ туһуланар бары тэрээһиннэргэ көрөөччүлэр босхо сылдьаллар. Бырайыак чэрчитинэн ыытыллар маастар-кылаастар Гнесиннэр ааттарынан Арассыыйатааҕы музыкальнай академия норуот ырыатыгар кафедратын хор уонна сольнай ырыа бастыҥ үгэстэригэр идэтийбит толорооччулары кытта уопут атастаһар кыахтаныахтара. Маастар-кылаастарга кыттыбыт бары кыттааччыларга солистар илии баттааһыннаах “Тыыннаах куораттар” сайдыыларыгар туһуламмыт Норуоттар икки ардыларынааҕы институт анал дипломнарын туттарыахтара.
Бырайыак «Дьиэ кэргэн» национальнай бырайыак «Дьиэ кэргэн сыаннастара уонна култуура инфраструктурата» федеральнай бырайыагын чэрчитинэн «Арассыыйа култууратын пуондата» Бүтүн Арассыыйатааҕы култуура уонна искусство эйгэтигэр уопсастыбаннай уонна судаарыстыбаннай тэрилтэ граныгар олоҕуран олоххо киириэҕэ.
“Талааннаах киһи барытыгар талааннаах” диэн этии оруннааҕын үгүс түгэҥҥэ көрө-истэ сылдьабыт. Былырыыҥҥы “Үрдэл” ырыа бириэмийэтигэр…
Олунньу 1 күнүгэр Арчы дьиэтигэр өрөбүллээҕи Оһуокайбыт үрдүк таһымнаахтык ааста. Куоракка олорор уус алданнар тоҕуоруһан…
“Успуорт сарыыссатынан” ааттанар чэпчэки атлетика аата эрэ “Чэпчэки атлетика”. Дьиҥинэн, успуорт көрүҥнэриттэн биир уустуктара. Ким…
Билиҥҥи кэмҥэ волонтердар көмөлөрө олус улахан суолталаах. Тыһыынчанан волонтердар түмсэн байыаннай дьайыы кыттыылаахтарын өйүүллэр. Бүгүн…
Бу күннэргэ Дьокуускайга бэйэ дьыалатын социальнай хантараак нөҥүө тэриммит дьоҥҥо олус туһалаах тэрээһин буолан ааста.…
Сунтаарга бу өрөбүл күннэргэ хапсаҕайы таптааччыларга улахан үөрүү. Сыллата ыытыллар Бордоҥтон төрүттээх хапсаҕайга спорт маастара…