Бэс ыйын 5 күнүгэр Амма улууһугар Олоҥхо ыһыаҕын көрсө ыытыллыбыт «Олоҥхо — өбүгэ ситимэ» мас уустарын үс күннээх өрөспүүбүлүкэтээҕи күрэх кыайыылаахтара билиннилэр. «Олоҥхо — өбүгэ ситимэ» күрэх кылаан чыпчаал кыайыылааҕа 150 000 солк. суумалаах бирииһи тутта.
Күрэх балаһыанньатынан улуус бары муннуктарыттан ааттаах-суоллаах уустар И.А. Швердин аатынан Амма пааркатыгар мустаннар, олоҥхо тиэмэтигэр мастан оҥоһуктарын чочуйдулар. Күрэх ирдэбилинэн мас уустара 3 хонук устата 2 миэтэрэ үрдүктээх, 40-60 см кэтиттээх бэрэбинэттэн олоҥхо тиэмэтин көрдөрөр, Олоҥхо дьоруойун уобараһын арыйар, кэрэ көстүүлээх скульптура кыһан таһаардылар. Бу үлэлэри тэрийээччилэр Амма пааркатыгар дьон-сэргэ көрүүтүгэр туруоруохтара, ол курдук Амма улууһугар ыытыллар Олоҥхо ыһыаҕын туоһулуур биир кэрэ көстүүлээх оҥоһуктарынан буолуохтара.
Кылаан кыайыылааҕынан, Гран-при хаһаайынынан Альберт Фомин, Сэргэ Бэс, Амма улууһа (150 000 солк.) буолла;
1 миэстэ — Роман Петухов, Майа, Мэҥэ Хаҥалас улууһа (100 000 солк.);
2 миэстэ — Роман Петров, Нам улууһа (70 000 солк.);
3 миэстэ — Василий Попов, Уолба, Таатта улууһа (;50 000 солк.).
Номинацияларынан Амма улууһун урбаанньыттарын бириистэринэн наҕаараадаланнылар:
«Алыптаах дьүһүйүү» — Иван Мохначевскай, Төхтүр, Мэҥэ Хаҥалас улууһа;
«Уран уус» — Егор Яковлев, Абаҕа, Амма улууһа;
«Олоҥхо дьикти таайтарыыта» — Петр Егоров, Ытык Күөл, Таатта улууһа;
«Тобуллаҕас толкуй» — Октябрь Аянитов;
«Өбүгэ утумун салҕааччы» — Афанасий Варфоломеев, Ытык Күөл, Таатта улууһа.
Дьүүллүүр сүбэ састаабыгар «Уран» дизайн-устуудьуйа салайааччыта Вячеслав Яроев, Култуура министиэристибэтин иһинэн үлэлиир «Симэх» национальнай Киин норуот уус-уран оҥоһуктарын сайыннарыыга отдел салайааччыта Дмитрий Осипов, СӨ үтүөлээх учуутала, саха фольклорун үйэтитээччи, тойуксут, оһуокайдьыт Александра Артемьева үлэлээтилэр.
Санаттахха, Амма улууһугар Олоҥхо ыһыаҕар 10 тыһыынчаттан тахса ыалдьыт кэлэрэ күүтүллэр. Олоҥхо ыһыаҕа Ил Дархан Айсен Николаев дьаһалынан быйыл бэс ыйын 20-21 күннэригэр ыытыллыаҕа.
Дьокуускайга Ойуунускай уулусса 20/1 дьиэтэ 45 сыллааҕыта тутуллубута. Саха Өрөспүүбүлүкэтигэр Элбэх кыбартыыралаах дьиэлэри хапытаалынайдык өрөмүөннээһин…
Социальнай ситимнэринэн Птицефабрика оройуонугар видео тарҕаммыт. Ролик ааптардара Дьокуускай таһыгар хаарга тыҥырахтаах атах суолун тыатааҕы…
Сэтинньи 4 күнүттэн Дьокуускайга элбэх оҕолоох ыаллар 1-11 кылаастарга үөрэнэр оҕолоро босхо айанныахтара. Ол туһунан…
Тэрээһиҥҥэ Жатайдааҕы суудунаны тутар тэрилтэ генеральнай дириэктэрэ Влад Михайлович Пермяков, Жатайдааҕы тиэхиньикум дириэктэрэ Владимир Иванович…
Бырабыыталыстыба Бэрэссэдээтэлэ Кирилл Бычков туһааннаах структуралары уонна тиэйээччилэри кытта мунньахха “Жатай-Төхтүр” туорааһынын түргэтэтэргэ соруйда. Билигин…
Бүгүн Дьокуускай куорат олохтоохторо Хомсомуол болуоссатыгар тоҕуорустулар. Манна үс күн устата, алтынньы 25-27 күннэригэр “Рыба…